,,მალადეც, აგიტატორებო!” – ,,ქართული ოცნება” საარჩევნო უბნებზე დარაზმული თავისი აგიტატორების მონაცემებზე დაყრდნობით სალომე ზურაბიშვილს გამარჯვებულად აცხადებს

0
357
ამ დროის მონაცემებით, ჩვენს მიერ მხარდაჭერილი პრეზიდენტობის კანდიდატი ძალიან დამაჯერებლად ლიდერობს, – აღნიშნული განცხადება პარტია “ქართული ოცნების“ ოფისში გამართულ ბრიფინგზე მამუკა მდინარაძემ გააკეთა.
 
როგორც მდინარაძემ განმარტა, აღნიშნულის თქმის საფუძველს პარტიის კოორდინატირების მიერ მოწოდებული ინფორმაცია წარმოადგენს. ამასთან, მდინარაძემ ამომრჩეველს საარჩევნო აქტიურობისკენ მოუწოდა.
 
“შედეგი იქნება სასურველი. ჩვენ გვაქვს ჩვენი მონაცემები. ჩვენს კოორდინატორებსა და აქტივისტებს იმის გამო აკრიტიკებენ, რომ გარკვეულ აღრიცხვას აწარმოებენ, ეს ადამიანები მნიშვნელოვან ფუნქციას ასრულებენ პარტიისათვის. მათი მონაცემების და მათ მიერ გადმოცემული ინფორმაციის მიხედვით, შეგვიძლია წინასწარი დასკვნები გავაკეთოთ – ჩვენი მხარდაჭერილი კანდიდატი დამაჯერებლად ლიდერობს. ჯერჯერობით, ვიდრე ხმები არ დაითვლება არაფერზე კატეგორიულად საუბარი არ შეიძლება, მაგრამ წინასწარი მონაცემები ნამდვილად ასეთია. ამ დემოკრატიულ პროცესს ბოლომდე მიყვანა სჭირდება“, – განაცხადა მამუკა მდინარაძემ.
წინა სტატიაზუგდიდის მე-19 საარჩევნო უბანთან „ოდიშის“ გადამღებ ჯგუფს გადაღების საშუალება არ მისცეს და სიტყვიერად დაუპირისპირდნენ [Video]
შემდეგი სტატიატყაიაში სოფლის რწმუნებული ისევ უბანზეა და იგინება, მმართველ გუნდს კი ფაქტზე ჯერჯერობით რეაგირება არ მოუხდენია
ტელეკომპანია ოდიშის საინფორმაციო სამსახური