გაერთიანებული ოპოზიციის „ძალა ერთობაშიას“ პრეზიდენტობის კანდიდატმა გრიგოლ ვაშაძემ ქუთაისში გამართულ პრესკონფერენციაზე ამ დროის მონაცემები შეაფასა. მისი თქმით, დამაჯერებლად იმარჯვებენ.

 

„არჩევნებში ვიმარჯვებთ ფანტასტიკური შედეგით, ფანტასტიკური განწყობაა. ჩვენი სამშობლო დიდი ხანია არ ყოფილა ისე ახლოს გამარჯვებასთან, როგორც დღეს. ჩემო მეგობრებო, მიბრძანდით რვა საათამდე უბნებზე და დააფიქსირეთ თქვენი პოზიცია. ჩვენს გამარჯვებას კარგად გრძნობს „ქართული ოცნების“ ე.წ. ხელისუფლება. ასობით შემთხვევააა უკვე დაფიქსირებული გაყალბების, ყველანაირ მტკიცებულებას ჩვენ ვტვირთავთ ვებგვერდზე“, – განაცხადა ვაშაძემ.

 

გრიგოლ ვაშაძემ აღნიშნა, რომ ფულის სანაცვლოდ საკუთარი მომავალი არავინ უნდა გაყიდოს.

 

„მეგობრებო, 50 ლარი დაგეხარჯებათ ძალიან სწრაფად, 50 ლარად თქვენ ყიდით შვილების და შვილიშვილების მომავალს. ამ თანხის დახარჯვის შემდეგ თქვენ გაიღვიძებთ ისეთივე ამაზრზენ ქვეყანაში, როგორშიც ცხოვრობდით გასული 6 წლის განმავლობაში. ხელისუფლება 5- დან 8 საათამდე გეგმავს არჩევნების ტოტალურ გაყალბებას, სწორედ ამიტომ მივმართავ მხარდამჭერებს, არ მოდუნდეთ და ერთად დავიცვათ ჩვენი მომავალი“, – განაცხადა გრიგოლ ვაშაძემ.