,,ქართული ოცნების'' მიერ საარჩევნო უბნებზე დილიდან მობილიზებული აგიტატორები ამტკიცებენ, რომ სააგიტაციო ფურცლები, რომელთაც ისინი ამომრჩევლებს ურიგებენ მხოლოდ და მხოლოდ ტორტის რეცეპტებია, იდუმალი სახით მიცემული რეკომენდაციები -ნსასარგებლო რჩევები ერთი სოლიდური პარტიის სამზარეულოდან, ხოლო მათ რვეულებში დაფიქსირებული კონკრეტულ ადამიანებზე გაცემული თანხების ერთადერთი დანიშნულება არის უანგარო შესაწევარი საქორწილო სუფრისთვის.
ამიტომაც მოიძებნა ქართული ოცნების მიერ მობილიზებულ მანქანებში მოხვედრის მსურველები – დღევანდელი ტორტი, რეცეპტის სახითაც კი, დიდი რამ არის დაკნინებულ ქვეყანაში, მიუხედავად იმისა, რომ ნოემბრის ბოლოს დოლარის გაძვირებას, გაზისა და და ელექტროენერგიის საფასურის გაზრდას არ უარყოფს ამ რეცეპტის ავტორი ხელისუფლებაც კი.
არასამთავრობო ორგანიზაცია „საერთაშორისო გამჭვირვალობა – საქართველოს“ ცნობით, მსგავსი ფაქტი დაფიქსირდა ზუგდიდის მუსაარცევნპო ოლქის ინგისი საარჩევნო უბანზეც მათმა დამკვირვებელმა დაინახა, თუ როგორ ჩააგდო საარჩევნო ყუთში რამდენიმე კონვერტი საარჩევნო ყუთის ზედამხედველმა კომისიის წევრმა.
სასაცილო იქნებოდა, სატირალი რომ არ იყოს, ის, რომ ტორტის რეცეპტის დარიგების ვერსიას რომ ამყარებს, არც მეტი, არც ნაკლები, ზუგდიდის საოლქო კომისიის თავმჯდომარე მირანდა მესხი.
რომელ რეცეპტს აირჩევს ხალხი, სულ მალე ვნახავთ