სოფელ ტყაიაში მერის წარმომადგენელი ედემ კეკუტია ადასტურებს, რომ საარჩევნო უბანზე იყო მისული. მისი თქმით, არავისთვის უგინებია, თუმცა „რაღაცები“ თქვა. ამბობს, რომ ქუჩაში იდგა, როცა „პროვოკატორები მოვიდნენ და შეურაცხყოფა მიაყენეს და პასუხი თავადაც გასცა.
„გარეთ ვიყავი ქუჩაში. რაღაცები ვთქვი. გინება არა. ვიღაც ქალბატონი მოვიდა, ქუხილავა, ბეიჯით ქუჩაში რომ ვიდექი. მერე შევყევი ჩემთვის საჭირო რომ არ იყო, იმ ადგილას. კარი გადავლახე, ის ეზო. არ უნდა შევსულიყავი. დედა არ მიგინებია“,
მისი თქმით, ნასვამი არ არის და მზად არის შემოწმებისთვისაც. ედემ კეკუტია გამორიცხავს ამომრჩევლებზე რაიმე სახის ზეწოლას. რატომ იმყოფებოდა საარჩევნო უბანზე, განმარტა – „მაშინ მივედი. კარგი, არ მინდა ახლა ამაზე გაგრძელება. ესენი არიან პროვოკატორები და პროვოკაციას ახდენენ და მე გავედი. მორჩა“.- ამბობს მერის წარმომადგენელი
შეგახსენებთ, ტყაიის 71- ე უბანზე სოფლის გამგებელი ნასვამი მივიდა და ოპოზიციური პარტიების წარმომადგენლების მისამართით იგინებოდა. ედემ კეკუტიას მიერ ამომრჩეველზე ზეწოლისა და გამოთქმული გინებისა და ქმედებების ამსახველი ვიდეო ნაციონალური მოძრაობის დამკვირვებელმა ტელეფონით გადაიღო და ტელეკომპანია „ოდიშს“ მიაწოდა.