“ევროპული საქართველოს" პრეზიდენტობის კანდიდატის დავით ბაქრაძის განცხადებითა, საერთაშორისო დამკვირვებლების ჩამოსვლა ერთ-ერთი წინაპირობაა იმისათვის, რომ ხელისუფლებამ არჩევნების გაყალბება ვერ შეძლოს.
“ბევრი უცხოელი დამკვირვებელია ჩამოსული, რაც ძალიან კარგია. ბევრ სხვა პირობასთან ერთად, ეს არის ერთ-ერთი პირობა იმის, რომ არჩევნები არ და ვერ გაყალბდება ხელისუფლების მხრიდან. მთავარია, მოვიდეს ამომრჩეველი და გამოხატოს საკუთარი ნება. რაც შეეხება დამკვირვებლებს, მათ მივაწოდეთ ინფორმაცია იმის შესახებ, რატომ არის ეს არჩევნები მნიშვნელოვანი, რა არის ჩვენი პარტიის და ჩემი როგორც კანდიდატის პროგრამა, ჩვენი მიდგომა ამ არჩევნების მიმართ და რატომ არის მნიშვნელოვანი ყველასთვის, პირველ რიგში საქართველოსთვის, რომ ჰქონდეს კარგი, სუფთა არჩევნები, რაც ქვეყნას წინ წაიყვანს. ძალიან ოპტიმისტურად ვუყურებ ხვალინდელ დღეს და დარწმუნებული ვარ, რომ ჩვენი მოსახლეობა საკუთარ ნებას გამოხატავს. ამ ყველაფრის შედეგად საქართველო წავა წინ და გვექნება საიმედო ხვალინდელი დღე,"- განაცხადა დავით ბაქრაძემ შეხვედრის დასრულების შემდეგ
პრეზიდენტობის კანდიდატები დღეს იმ საერთაშორისო ორგანიზაციების დამკვირვებლებს ხვდებიან, ვინც 28 ოქტომბრის ხმის მიცემის პროცედურას გაუწევენ მონიტორინგს. პრეზიდენტობის კანდიდატების ინდივიდუალური შეხვედრები ეუთო-ს, ნატო-ს, ევროპარლამენტის, ევროსაბჭოს და PASSE-ს დამკვირვებლებთან დახურულ ფორმატში მიმდინარეობს. მათ უკვე შეხვდა გაერთიანებული ოპოზიციის საპეზიდენტო კანდიდატი გრიგოლ ვაშაძე