ზუგდიდში, გამსახურდიას გამზირზე, გაერთიანებული ოპოზიციის საპრეზიდენტო კანდიდატის გრიგოლ ვაშაძის პლაკატები ჩამოხიეს და ზედ პუტინის გამოსახულებიანი ფოტოები გადააკრეს წარწერით -ФСВ. „ხელისუფლების დაგეგმილია, არჩევნებამდე 2 დღით ადრე რომ ამას აკეთებენ, ეს ნიშნავს იმას, რომ დამთავრებულები არიან და მეტი ვერაფერი მოიფიქრეს და ამაში გარეულია სუსი, სხვა რა უნდა გითხრათ, რა ახსნა უნდა ქონდეს მეტი ამას“- განუცხადა „ოდიშინიუსს“ „ნაციონალური მოძრაობის „ ზუგდიდის ორგანიზაციის ხელმძღვანელმა ანა წითლიძემ.
გაერთიანებული ოპოზიციის ოფისებზე განთავსებული პრეზიდენტობის კანდიდატის გრიგოლ ვაშაძის საარჩევნო ბანერები რამდენიმე დღის წინაც წითლად შეღებეს მსგავსი წარწერები გააკეთეს.