ავიაკომპანია "ვიზ ეარის" თვითმფრინავი გვიან ღამით ვარშავაში ჩაფრინდა. ბორტზე 179 მგზავრი იმყოფებოდა, მათგან დაშავებული არცერთი არ არის. უცხოური პრესა კი ბუქარესტის აეროპორტში ავარიული დაშვების კადრებს ავრცელებს. ავიაკომპანია "ვიზ ეარის" თვითმფრინავი, რომელიც ქუთაისი-ვარშავის რეისს ასრულებდა, ბორტზე არსებული ბომბის შესახებ ანონიმური შეტყობინების შემდეგ, თავდაპირველად სწორედ რუმინეთის დედაქალაქში დასვეს. რეალური მიზეზი კი ოჯახური კონფლიქტი იყო. გაირკვა, რომ აეროპორტში სიძეზე გაბრაზებულმა სიდედრმა დარეკა და ბორტზე ბომბის არსებობის შესახებ ცრუ ინფორმაცია გაავრცელა. ქალბატონის სიძე სწორედ ამ რეისით მიფრინავდა ვარშავაში.
სიძეზე გაბრაზებული სიდედრის სატელეფონო ზარის გამო “ვიზ ეარის” თვითმფრინავი ავარიული დაეშვა ბუქარესტში
Published on