მარშალის ფონდის ორგანიზებით თბილისში ექსპერტები, ჟურნალისტები და მკვლევარები მართავენ შეხვედრას. ისინი რამდენიმე დღის განმავლობაში სხვადასხვა პოლიტიკური პარტიების პრეზიდენტობის კანდიდატებს შეხვდებიან და გაეცნობიან წინასაარჩევნო გარემოს.
დღეს მათ ინფორმაცია, ქვეყანაში მიმდინარე პროცესებთან დაკავშირებით დახურულ შეხვედრაზე გაერთიანებული ოპოზიციის პრეზიდენტობის კანდიდატმა, გრიგოლ ვაშაძემ მიაწოდა.
„უპირველეს ყოვლისა, მათ აინტერესებდათ ის, როგორ მიმდინარეობს საარჩევნო კამპანია, რაზეც მეც და ჩემმა კოლეგებმაც გაერთიანებული ოპოზიციიდან ამომწურავი პასუხი გავეცით ფაქტებით, ციფრებით იმაზე, რა დარღვევები ხდება და როგორ გაიზარდა ის დარღვევები 2016 და 2017 წლის არჩევნებთან შედარებით, რაც რა თქმა უნდა, ძალიან ძნელი წარმოსადგენი იყო, მაგრამ ფაქტი არის და რა თქმა უნდა, რაც დრო დაგვრჩა, ეს შეეხო საქართველოს შიდა პოლიტიკურ და საგარეო პოლიტიკურ მდგომარეობას,“ – განაცხადა გრიგოლ ვაშაძემ.
ენმ-ის წევრის, თინათინ ბოკუჩავას თქმით, საარჩევნო დარღვევებთან დაკავშირებით, მათ შორის, ამომრჩევლის მოსყიდვის ფაქტებისა და სუს-ის მხრიდან ადამიანების დაშინებაზე, საქმის კურსში ჩააყენეს შეხვედრის მონაწილეები.