შსს ამ დრომდე არ აკონკრეტებს სად გადაიყვანეს ზაზა სარალიძე და მასთან ერთად პარლამენტის წინ დაკავებული 2 პირი.ჯერჯერობით უცნობია ისიც, თუ რომელი მუხლის დარღვევას ედავებიან სარალიძეს.
როგორც ცნობილია, ინციდენტი პოლიციელებსა და სარალიძეს შორის მაშინ დაიწყო, როდესაც აქციის მონაწილეები კარვის გაშლას ცდილობდნენ.
შემთხვევის ამსახველი კადრები სოციალურ ქსელში ვრცელდება. კადრებში ჩანს, რომ , ზაზა სარალიძე პოლიციელს ჯოხს უღერებს, სავარაუდოდ, სწორედ აღნიშნულს უკავშირდება სამართალდამცველების მიერ სარალიძის დაკავება.
ზაზა სარალიძის მხარდამჭერები საუბრობენ იმაზე თყ რა უძღოდა წინ მომხდარ დაპირისპირებას
"ელემენტარულად ცელოფნის გადაფარება უნდოდათ, რომ წვიმისგან დაეცვათ თავი, მოვიდნენ ჩვეულებრივად როგორც აქამდე აკეთებდნენ, ოღონდ აქამდე ზაზა არ დაუჭერიათ და ყაჩაღურად გაიტაცეს ყველაფერი რაც კი შეეძლოთ გაეტაცებინათ. შემდეგ მოხდა ფიზიკური დაპირისპირება ჩატენეს კაცი მანქანაში ცემა-ტყეპით და წაიყვანეს,"- აქციის მონაწილე, დავით ნებიერიძე.
ზაზა სარალიძის კიდევ ერთი მხარდამჭერი, დავით ინაშვილი ამბობს, რომ პოლიცია იყო ძალიან აგრესიული. ამას მოჰყვა ორივე მხრიდან სიტყვიერი შეურაცხყოფა, მერე კი ზაზა სარალიძეც დააკავეს. ასევე გაიყვანეს პოლიციის ერთ-ერთი თანამშრომელი, რომელიც აქციის მონაწილეებს ემუქრებოდა. ,- აღნიშნა დავით ინაშვილმა.