აშშ პრეზიდენტის მრჩეველი ეროვნული უშიშროების საკითხებში ჯონ ბალტონი თბილისში იმყოფება

0
386
 ამერიკის შეერთებული შტატების პრეზიდენტის მრჩეველი ეროვნული უშიშროების საკითხებში  ჯონ ბალტონი  თბილისში იმყოფება.
 
ამ დროისათვის მას უკვე ჰქონდა შეხვედრები საქართველოს საგარეო საქმეთა მინისტრთან, შს  მინისტრთან და ხელისუფლების სხვა წარმომადგენლებთან.
 
,,ჩვენ ვართ და მომავალშიც ვიქნებით მთავარი სტრატეგიული პარტნიორის, ამერიკის შეეერთებული შტატების დღის წესრიგის მთავარი საკითხი, – ამის შესახებ ჟურნალისტებს საგარეო საქმეთა მინისტრმა დავით ზალკალიანმა  ჯონ ბოლტონთან შეხვედრის შემდეგ განუცხადა.
 
კიდევ ერთი საკითხი, რაზეც ზალკალიანმა და ბოლტონმა ისაუბრეს, უსაფრთხოებისა და თავდაცვის სფეროში თანამშრომლობა იყო.
 
„ეს ერთ-ერთი მთავარი პრიორიტეტული მიმართულებაა. მოგეხსენებათ, რომ წარმატებით სრულდება მემორანდუმი, რომელიც თავდაცვისა და უსაფრთხოების სფეროში გვაქვს. აუცილებელია, რომ ჩვენი თანამშრომლობა კიდევ უფრო გაღრმავდეს. ჩვენ გვაქვს აშშ-ის მხარდაჭერა ევროატლანტიკური ინტეგრაციის მიმართულებით, ნატო-ში აშშ ერთ-ერთი მთავარი მონაწილე გახლავთ. ძალიან მაღალი შეფასება მიეცა საქართველოს კონტრიბუციას ავღანეთში მიმდინარე ოპერაციაში, სადაც საქართველოს მთავარ სტრატეგიულ პარტნიორთან – აშშ-სთან ერთად მნიშვნელოვანი როლი შეაქვს გლობალური უსაფრთხოების დაცვასა და გამოწვევების წინააღმდეგ ბრძოლაში. ჩვენ ვართ და მომავალშიც ვიქნებით მთავარი სტრატეგიული პარტნიორის ამერიკის შეეერთებული შტატების დღის წესრიგის მთავარი საკითხი“, – განუცხადა ჟურნალისტებს დავით ზალკალიანმა.
 
საქართველოს ვიცე-პრემიერმა, შინაგან საქმეთა მინისტრმა გიორგი გახარიამ და სახელმწიფო უსაფრთხოების სამსახურის უფროსმა ვახტანგ გომელაურმა, ეროვნული უსაფრთხოების საკითხებში ამერიკის შეერთებული შტატების პრეზიდენტის მრჩეველს, ჯონ ბოლტონს უმასპინძლეს. შეხვედრა შინაგან საქმეთა სამინისტროში გაიმართა. 
 
 
 შსს ცნობით, .მხარეებმა უსაფრთხოების კუთხით საქართველოს წინაშე არსებული გამოწვევები, რეგიონალური საფრთხეები და ამ კონტექსტში ორმხრივი თანამშრომლობის გაღრმავების პერსპექტივები განიხილეს. შეხვედრისას ხაზი გაესვა უსაფრთხოების სფეროში აშშ-სა და საქართველოს შორის სტრატეგიული თანამშრომლობის მნიშვნელობას.
 
„განხილვის თემას ასევე წარმოადგენდა საქართველოს უსაფრთხოების სექტორის რეფორმა. ამ კონტექსტში, განსაკუთრებული ყურადღება დაეთმო ქვეყანაში ეროვნული უსაფრთხოების პოლიტიკის დაგეგმვისა და კოორდინაციის ეფექტური მექანიზმების შემუშავების აუცილებლობას. მხარეებმა უსაფრთხოების სფეროში, სტრატეგიულ დონეზე პოლიტიკის მაკოორდინირებელი ორგანოს შექმნის საკითხიც განიხილეს.
 
ჯონ ბოლტონის ვიზიტი საქართველოს მიმართ აშშ-ის ადმინისტრაციის ურყევ მხარდაჭერას კიდევ ერთხელ ადასტურებს. აშშ, როგორც საქართველოს სტრატეგიული პარტნიორი, ქვეყნისთვის კვლავაც უმნიშვნელოვანეს დასაყრდენად რჩება ქვეყნის უსაფრთხოების გაძლიერებისა და ტერიტორიული მთლიანობის მხარდაჭერის თვალსაზრისით“, – ნათქვამია შსს-ს მიერ გავრცელებულ ინფორმაციაში

 
 
დღესვე იგეგმება შეხვედრა პრემიერ-მინისტრთან. 11:00 საათზე კი ამერიკის პრეზიდენტის მრჩეველი ჟურნალისტების შეკითხვებს უპასუხებს, რა დროსაც გაირკვევა, რა გზავნილებით ჩამოვიდა იგი საქართველოში, საპრეზიდენტო არჩევნებამდე ორი დღით ადრე.
წინა სტატიაგორში გოგონას მკვლელობაში ბრალდებული დაკავებულია
შემდეგი სტატია,, საქართველოს აქვს ისტორიული ინსტიქტი მოღალატეებზე”.- განაცხადა პრეზიდენტმა მიხეილ სააკაშვილმა .პალიტრანიუსის“ გადაცემაში „360 გრადუსი“
ტელეკომპანია ოდიშის საინფორმაციო სამსახური