ზუგდიდში, კომბინატის დასახლებაში ენმ-ს შტაბი დაარბიეს, ამის შესახებ ,,ოდიშინიუსს,, ადგილზე შტაბის თანამშრომლებმა და პარტიის ზუგდიდის ორგანიზაციის ხელმძღვანელმა ანა წითლიძემ დაუდასტურეს. ,,ჩამტვრეულია ფაჯარა,შემოყრილია ქვიშა და ნაგავი, ჩამოხეულია პლაკატები, დაზიანებულია ბანერები..ეს არის უმსგავსობა, მოვიდნენ და ისე დაგველაპარაკონ, დარბევა კაცობაა?,, – აცხადებ შტაბში. ადგილზე მუშაობდნენ სამართალდამცავები, შტაბის უფროსი ამ წუთებში დაკითხვაზე იმყოფებოდა. თანამშრომლების თქმით, ეს სიტუაცია მათ დილით დახვდათ და ვარაუდობენ რომ გვიან ღამით არის გაკეთებული.
