მიხეილ სააკაშვილმა დაბომბა მშვიდობიანი მოსალხეობა – ეს განცხადება ბიძინა ივანიშვილმა იმ კითხვის საპასუხოდ გააკეთა, რომელიც კრემლის მიერ სალომე ზურაბიშვილის ციტატების ჰააგის სისხლის სამართლის სასამართლოში შესაძლო გამოყენებას ეხებოდა. ყოფილმა პრემიერმა კითხვაზე პირდაპირ პასუხს თავი აარიდა და კიდევ ერთხელ დაადასტურა, რომ ის ზურაბიშვილის მოსაზრებებს აგვისტოს ომის დაწყებასთან დაკავშირებით იზიარებს.
"სააკაშვილმა დაბომბა საკუთარი მოსახლეობა, საქართველომ არა, სააკაშვილმა. 2008 წელს რაც მოხდა და როგორც მოქმედებდა მაშინდელი მთავრობა სააკაშვილის მეთაურობით, ეს იყო სწორედ ღალატი ქვეყნისა და სამშობლოსი, მას შეეძლო ეს ომი თავიდან აეცილებინა ქვეყნისთვის, მას შეეძლო არ აეხდინა რუსეთის მრავალსაუკუნოვანი ოცნება. ჩემს ინტერპრეტაციას და ქალბატონი სალომეს ინტერპრეტაციას აბსოლუტურ თანხვედრაშია, კიდევ ერთხელ შევახსენებ საზოგადოებას – თუ არა მაშინდელი ხელისუფლების წინდაუხედავი ყველაზე რბილია, თუგინდ ღალატობრივი ქმედებაც კი, რუსეთი ვერ მოახერხებდა და ვერ აიხდენდა მრავალსაუკუნოვან ოცნებას და ვერ დაიპყრობდა საქართველოს ტერიტორიებს. სწორედ რომ სააკაშვილი, თქვენი მეუღლეც თუ გნებავთ (მიმართავს ეკა კვესიტაძეს), შემოუძღვა რუსულ ჯარს საქართველოში და მისცა საშუალება თავისი გაუაზრებელი ქმედებით, თავისი ღალატობრივი ქმედებით თუ გნებავთ და დღეს საქართველოს ტერიტორიების 20% არის ოკუპირებული,"-აცხადებს ბიძინა ივანიშვილი.