37 წლის ედიშერ სიგუა მარტვილის პოლიციას ძალადობაში და არადამიანურ მოპყრობაში ადანაშაულებს.
დაზარალებულის მტკიცებით, ის ნასვამ მდგომარეობაში დააკავეს და ჯერ გზაში, შემდეგ კი უკვე პოლიციის განყოფილებაში ფიზიკურად გაუსწორდნენ. მისი განმარტებით ცემისას მან გონება დაკარგა, რის შემდეგაც საავადმყოფოში გადაიყვანეს.
ედიშერ სიგუას ბრალდებებთან დაკავშირებით, სამეგრელო ზემო-სვანეთის საოლქო პროკურატურამ გამოძიება დაიწყო. უწყების ცნობით, საქმე აღძრულია სს კოდექსის 333-ე მუხლით , რაც სამსახურებრივი უფლებამოსილების გადამეტებას გულისხმობს.
შსს-ს გენინსპექციამ ედიშერ სიგუა უკვე გამოკითხა.
შინაგან საქმეთა სამინისტროს ინფორმაციით, პოლიციამ სიგუა ადმინისტრაციულ სამართალდარღვევათა კოდექსის 173-ე მუხლით დააკავა, რაც პოლიციელის კანონიერი მოთხოვნის დაუმორჩილებლობას გულისხმობს..