ნოემბრის შუა რიცხვებისთვის ლარი კიდევ უფრო გაუფასურდება – ასეთ პროჰოზს აკეთებენ  ექსპერტები ეკონომიკურ საკითხებში  

 

თუმცა სპეციალისტები ვარაუდობენ, რომ ეროვნული ვალუტის ღირებულება დოლართან მიმართებაში 2,80-ს არ გადააჭარბებს. ანალიტიკოსების ნაწილი თვლის, რომ ლარის კურსზე მთავარ გავლენას არასწორი შიდა ეკონომიკური ქმედებები ახდენს და არა თურქული ლირა, რითაც თავს იმარტლებს ხელისუფლება.   

 

„ჩვენ ამ დროისთვის ლარის ასეთ გაუფასურებას ვაბრალებთ ბიუჯეტის არასწორ ხარჯვას და ინფრასტრუქტურული პროექტების დაგვიანებით გამოტანას. 15 ნოემბრამდე ველოდებით ლარის კურსის ცოტათი კიდევ უფრო გაუფასურებას. კვლავ მოხდება პროდუქტებზე ფასის მომატება,“-ამბობს ’’ფაინექს 1970’’-ის ანალიტიკოსი, ეკონომიკის დოქტორი, პროფესორი ნიკა შენგელია რუსთავი 2 – თან საუბარში. .

 

პარალელურად, არ არის გამორიცხული გაიზარდოს ტარიფი დენსა და გაზზეც – ამ საკითხზე სხდომა ენერგეტიკის მარეგულირებელ კომისიაში წლის ბოლოს არის ჩანიშნული. ერთი დოლარის ოფიციალური ღირებულება უკვე თითქმის 2 ლარი და 71 თეთრია.