დავით ბაქრაძე: ,,ეს ყველაფერი იქნებოდა სასაცილო, რომ არ იყოს ტრაგიკული, რადგან ასეულობით ათასი ოჯახის ბედს ეხება“

0
382
„ივანიშვილის გუშინდელი განცხადები გახლდათ საუკეთესო პასუხო, რატომ უნდა მივიდეთ არჩევნებზე და რატომ უნდა არ მივცეთ ხმა „ქართულ ოცნებას“ და „ქართული ოცნების“ კანდიდატის,“- ამის შესახებ „ევროპული საქართველოს“ პრეზიდენტობის კანდიდატმა, დავით ბაქრაძემ, საგანგებოდ გამართულ ბრიფინგზე განაცხადა. ის ბიძინა ივანიშვილის ინტერვიუს გამოეხმაურა.  
 
დავით ბაქრაძის თქმით, „ქართული ოცნების“ თავმჯდომარის განცხადებებმა კიდევ ერთხელ დაადასტურა, რომ მოსახლეობამ საპრეზიდენტო არჩევნებზე მხარი სალომე ზურაბიშვილს არ უნდა დაუჭიროს.
 
„გუშინ მოვისმინეთ „ქართული ოცნების“ და სახელმწიფო მმართველის ხედვა, რომ თურმე ქვეყანაში მიმდინარეობს აღმშენებლობის პროცესი და უბრალოდ ადამიანები ვერ ხვდებიან, იმიტომ, რომ ჟურნალისტები ეუბნებიან, რომ ყველაფერი არის ცუდად. თურმე ერთი დღე ტელევიზორი რომ გამოვრთოთ და გარეთ გამოვიხედოთ, დოლარი 2 ლარზე ნაკლები გახდება, გავიგონეთ „ქართული ოცნების“ გახსნილ, აგუგუნებული ქარხნების ხმას. ეს ყველაფერი იქნებოდა სასაცილო, რომ არ იყოს ტრაგიკული, რადგან ასეულობით ათასი ოჯახის ბედს ეხება,“- განაცხადა დავით ბაქრაძემ
წინა სტატიაგრიგოლ ვაშაძე: საქართველო საკადრის პასუხს გასცემს ივანიშვილის მიერ მოქალაქეების დაცინვას
შემდეგი სტატია,,ის აზროვნებს, როგორც მოძალადე, როგორც მაფიოზური ტიპის მართველი” – სალომე სამადაშვილი ბიძინა ივანიშვილის გუშინდელ ინტერვიუს აფასებს
ტელეკომპანია ოდიშის საინფორმაციო სამსახური