ვრცელი ინტერვიუს დროს ბიძინა ივანიშვილმა დაადასტურა, რომ მარიხუანას კულტივაციის შესახებ კანონპროექტის ერთ-ერთი ინიციატორი თავად არის. კოსმეტიკური და სამედიცინო დანიშნულებით კანაფის წარმოების საკითხზე მსჯელობა გაგრძელდება და თუ დავრწმუნდებით, რომ ეს მართლაც ხიფათის შემცველია, საზოგადოების წინააღმდეგ არ წავალთ – განაცხადა მან.

 

"წარმოება სამედიცინო და კოსმეტიური მოხმარების მიზნით,რენტაბელობა ძალიან დიდი, რაც ჩემთვის ძალიან საინტერესოა-500%-0ზე მეტია. არის ძალიან დიდი ობიექტური გათვლები იმისა, რომ შეიძლება მილიარდი დოლარის და მეტი ექსპორტი განხორციელდეს ერთ, ორ და სამი წლის განმავლობაში. რა თქმა უნდა შფოთვა, რომელიც გამოავლინა საზოგადოებამ, ადეკვატური იყო რეაქცია გუნდის მხრიდან კანონპროექტი არის შეჩერებული, გაგრძელდება მასზე მსჯელობა მათ რიცხვში საპატრიარქოსთან,"-

 

"რუსთავი 2"-ის ჟურნალისტის, ეკა კვესიტაძის კითხვაზე, არის თუ არა მარიხუანას კულტივაციის ლეგალიზება მისი იდეა, ის პასუხობს.

 

"რა თქმა უნდა მათ რიცხვში სამედიცინო და კოსმეტიური მიმართულებით წარმოებას მხარს ვუჭერდი ერთადერთი მიზეზით – ძალიან დიდი ხიბლია იმაში რომ ჩვენ შეიძლება დამატებით მილიარდი და შეიძლება 2 მილიარდის ექსპორტიც მოვახერხოთ სოფლის მეურნეობის პროდუქციით,"-აცხადებს ივანიშვილი.