მთავარისიახლეებიპოლიტიკაწულუკიანმა "გამჭვირვალობა-საქართველოს" ხელმძღვანელი, 7 ნოემბრის აქციის დაშლაში წვლილის შეტანაში დაადანაშაულა

წულუკიანმა “გამჭვირვალობა-საქართველოს” ხელმძღვანელი, 7 ნოემბრის აქციის დაშლაში წვლილის შეტანაში დაადანაშაულა

Published on

თეა წულუკიანმა არასამთავრობო ორგანიზაცია "საერთაშორისო გამჭირვალობა-საქართველო", კოპენჰაგენის საერთშორისო ანტიკორუფციულ კონფერენციაზე გააკრიტიკა.
 
იუსტიციის მინისტრმა თქვა, რომ შესაძლოა ორგანიზაციის ხელმძღვანელს წვლილი მიუძღოდა 7 ნოემბრის აქციის დაშლაში.
 
თეა წულუკიანი მას შემდეგ გაღიზიანდა, რაც პანელზე სიტყვით გამოსვლის დროს მას "საერთაშორისო გამჭვირვალობა-საქართველოს" აღმასრულებელი დირექტორის მოადგილემ გიორგი ონიანმა კითხვა, საქართველოში არსებული ელიტური კორუფციის შესახებ დაუსვა.
 
მინისტრმა ამ კონკრეტულ შეკითხვაზე პასუხს თავი აარიდა, ნაცვლად კი მესამე სექტორი მწვავედ გააკრიტიკა.
 
"საქართველოში ძალიან მდიდარია სამოქალაქო საზოგადოება. ორ საათში ყოველგვარი დაბრკოლების გარეშეა შესაძლებელი არასამთავრობო ორგანიზაციის შექმნა. საქართველოში ნიადაგი ნოყიერია არასამთავრობოებისთვის, რომ დაფუძდნენ, გაიზარდონ და იყვნენ აქტიური სოფლებში, პატარა ქალაქებში და დიდ ქალაქებშიც. სამწუხაროდ ახლა შევეჯახეთ ახალ ვითარებას, სადაც სადაც ერთი არასამთავრობო ორგანიზაცია საუბრობს მთელი სამოქალაქო სექტორის სახელით და ამის გამო მას კოლეგები აკრიტიკებენ. თუმცა, მთავრობის საქმე არ არის ამის განსჯა. ენჯეოების შიდა დავებს აქ ვერ განვიხილავთ. მაგრამ ბატონი ონიანის ყოფნა ადასტურებს, რომ საქართველოში სამოქალაქო საზოგადოება ენერგიულია, რაც იმას ნიშნავს, რომ მათ შეუძლიათ ენერგიული იყვნენ არამხოლოდ ქვეყნის შიგნით, არამედ გადაკვეთონ საზღვარი, ჩამოვიდნენ დანიაში და უკან გამოჰყვნენ იუსტიციის მინისტრს.
 
"არ მინდა ღრმა დისკუსიაში შესვლა აქ, რადგან იყო დიდი სკანდალი "საერთაშორისო გამჭვირვალობის ხელმძღვანელის" ირგვლივ. ამ ორგანიზაციის ხელმძღვანელი, როგორც ცნობილია შინაგან საქმეთა სამინისტროს ყოფილი მაღალჩინოსანი და ყოფილი მმართველი პარტიის წევრი იყო. ჩვენი საზოგადოების სხვადასხვა ჯგუფმა დოკუმენტებით აჩვენა, რომ მან შესაძლოა ხელი შეუწყო 7 ნოემბრის მშვიდობიანი მანიფესტაციის დაშლას. ახლა სასამართლოში განიხილება საქმე. ის კი უარს ამბობს გამოცხადდეს და შეკითხვებს უპასუხოს. არ მინდა ღრმად შევიდე კამათში, მაგრამ საზოგადოებამ უნდა იცოდეს, რომ "საერთაშორისო გამჭვირვალობის ხელმძღვანელი" შინაგან საქმეთა სამინისტროს მაღალჩინოსანი იყო და სავარაუდოდ წვლილი შეიტანა ან მონაწილეობდა მშვიდობიანი მანიფესტაციის დაშლაში, რომლის დროსაც დაიღუპა 1 და დაშავდა რამდენიმე ადამიანი,"-განაცხადა წულუკიანმა.

სიახლეები

აბუ-დაბიში დაკავებული მერაბ დვალიშვილი და საბა ლაზიშვილი თავისუფლები არიან

აბუ-დაბიში დაკავებული მერაბ დვალიშვილი და საბა ლაზიშვილი თავისუფლები არიან - ინფორმაციას ჟურნალისტი არიელ ჰელვანი...

პაპუაშვილი-დღეს ევროკავშირი გადართულია საქართველოს დაზიანების კურსზე

დღეს ბრიუსელი ცდილობს რომ დააზიანოს საქართველო ყველანაირად - ეკონომიკურად, პოლიტიკურად, სოციალურად დააზიანოს ქართველი ხალხი,...

ევროკავშირი შავი ზღვის უსაფრთხოების ჰაბის შესაქმნელად 50 მლნ ევროს გამოყოფს

ევროკავშირი სამოქალაქო გემებზე თავდასხმების გახშირების ფონზე, რუმინეთ-ბულგარეთის ერთობლივი შავი ზღვის საზღვაო უსაფრთხოების ჰაბის შექმნის...

ჟურნალისტ გურამ როგავაზე თავდასხმაში ბრალდებულ სპეცრაზმელს 5-წლიანი პატიმრობა მიესაჯა

ჟურნალისტ გურამ როგავაზე 2024 წლის საპროტესტო აქციაზე თავდასხმაში ბრალდებულ სპეცრაზმელს, გურამ კირკიტაძეს, 5-წლიანი პატიმრობა...