რუსთავში აფეთქების შედეგად დაშავებული 9 წლის გოგონას ჯანმრთელობის მდგომარეობა ამ დრომდე მძიმეა. მას დაზიანებები მუცლის არეში აღენიშნება.

 

მოზარდს სასწრაფო ოპერაცია რუსთავში ჩაუტარდა, ახლა კი თბილისის რეფერალურ საავადმყოფოში მედიკოსების დაკვირვების ქვეშ რჩება. 

 

იაშვილის სახელობის კლინიკაში ექიმების მეთვალყურეობის ქვეშ იმყოფება კიდევ ერთი დაშავებული მოზარდი, რომელსაც ქუსლის ტრავმული დაზიანება აღენიშნება. მას გვიან ღამით ჩაუტარდა ოპერაცია. ექიმების ინფორმაციით, მოზარდის მდგომარეობა სტაბილურია. დანარჩენი დაშავებულები რუსთავის კლინიკებში მკურნალობენ, მათ სიცოცხლეს საფრთხე არ ემუქრებათ.

 

 

გუშინ,  დაახლოებით 12:30 საათზე, რუსთავში, მე-19-ე მიკრო რაიონის ერთ-ერთ საცხოვრებელი კორპუსის ეზოში ფიზიკური პირის ავტოფარეხის დემონტაჟის დროს, დაქირავებულ მუშებს მუშაობისას ჟანგბადის ბალონი აუფეთქდათ. აფეთქების ტალღა იმდენად ძლიერი იყო, რომ მიმდებარე ტერიტორიაზე ფეხბურთის სტადიონზე და ეზოში ჯამში 14 ადამიანი დაშავდა, მათგან 11 კლინიკა ,,რუსთავში“, 2 კი რუსთავის ცენტრალურ საავადმყოფოში იქნენ გადაყვანილი, დაშავებულებიდან 5 მცირეწლოვანია