რუსთავში, ჟანგბადის ბალონის აფეთქების შედეგად დაშავებულთა რაოდენობა გაიზარდა. ამ დროისთვის დაშავებული 10 ადამიანი, ორ სხვადასხვა კლინიკაშია გადაყვანილი. აქედან ერთის, 9 წლის მოზარდის მდგომარეობა კრიტიკულია. მას ამ დროისთვის შესაბამისი სამდეცინო დახმარება უტარდება. შესაძლოა მოზარდი თბილისში გადმოიყვანონ.
შეგახსენებთ, რომ რუსთავში, სტადიონთან ავტოფარეხის დემონტაჟის დროს ჟანგბადის ბალონი აფეთქდა. შემთხვევის შედეგად რამდენიმე ადამიანი დაშავდა, მათ შორის არიან მოზარდებიც.
აფეთქების შედეგად დაზიანდა რამდენიმე ავტომანქანა. ასევე საცხოვრებელ სახლებში ჩაიმსხვრა მინები. ადგილზე მობილიზებულია რუსთავის საპატრულო პოლიციის რამდენიმე ეკიპაჟი.