მთავარისიახლეებიპოლიტიკა„მოთმინების საზღვარი უკვე ამოწურულია... ამოვიდა ყელში თქვენი „ქურდული ოცნება“ -გრიგოლ ვაშაძე

„მოთმინების საზღვარი უკვე ამოწურულია… ამოვიდა ყელში თქვენი „ქურდული ოცნება“ -გრიგოლ ვაშაძე

Published on

„როგორც კი ეროვნული, პროდასავლური და კოალიციური მთავრობა მოვა ხელისუფლებაში გაორმაგებულად გავაგრძელებთ აჭარის ერთ-ერთ ევროპულ რეგიონად გადაქცევას“-ეს განცხადება გაერთიანებული ოპოზიციის საპრეზიდენტო კანდიდატმა ბათუმში, ამომრჩეველთან შეხვედრაზე გააკეთა. გრიგოლ ვაშაძის განცხადებით „ოცნების“ ხელისუფლებამ მოახერხა ის, რომ აჭარის განვითარება შეეფერხებინა. მან მაგალითისთვის ტექნოლოგიური უნივერსიტეტი მოიყვანა, რომელიც მისივე თქმით ხელისუფლებამ დაანაწევრა და ბინებად გაყიდა. გრიგოლ ვაშაძემ პირობა დადო, რომ ტექნოლოგიური უნივერსიტეტი დაბრუნდება ბათუმში.
 
გრიგოლ ვაშაძემ ფართომასშტაბიანი შეთქმულება უწოდა იმ ჩანაწერებს, რომელშიც მირზა სუბელიანი ფიგურირებს და განაცხადა, რომ ამის შემდეგ ხელისუფლება კიდევ ბედავს და მოქალაქეებს მოუწოდებს, რომ შემოხაზონ 48 ნომერი.
 
„რისთვის უნდა შემოვხაზოთ კიდევ 48-ჯერ რომ ამოვაღებინოთ ჯიბიდან ფული? და 48 კი არა 84 ათას კრიმინალს, რომ თავზე დავასვათ საფრანგეთიდან ჩამოტანილი მატრიოშკა იმისთვის რომ დემოკრატიული ფასადი შევუნარჩუნოთ? არასოდეს ეს არ მოხდება, იმიტომ რომ ქართველი მოთმინების  საზღვარი უკვე ამოწურულია. ამოვიდა ყელში თქვენი ქურდული ოცნება. თქვენ შეურაცხყოფა მოგვაყენეთ ჩვენ სუყველას,“-განაცხადა გრიგოლ ვაშაძემ.
 
გრიგოლ ვაშაძემ მთავარ მძარცველებად ლომბარდები და მევახშეები მოიხსენია და აღნიშნა, რომ „ქართულმა ოცნებამ“ ისეთი სიტუაცია შექმნა, რომ ბანკები ძარცვავენ ხალხს და ხალხი გარბის ქვეყნიდან. 
 
მისი თქმით ეს არჩევნები გაერთიანებულ ოპოზიცია "ძალა ერთობაშია"-ს მოგებული აქვს. 
 
„სრული პასუხისმგებლობით შემიძლია გითხრათ, ჩვენი მოქალაქეების გადაწყვეტილებით გაერთიანებულ ოპოზიციას ეს არჩევნები მოგებული აქვს უკვე დღეს,“-განაცადა გრიგოლ ვაშაძემ.
 
გრიგოლ ვაშაძის განცხადებით "ქართული ოცნება" ავრცელებს ხმას თითქოს გაერთიანებული ოპოზიცია რევანშს და რევოლუციას ამზადებს. მისი თქმით მსგავსი არაფერი ხდება და ეს აბსურდული ბრალდებაა. 
 
მისვე თქმით ხელისუფლებაში მოსვლისთანავე მიგრაციის საკითხები იქნება განხილული რათა შეწყდეს ქვეყანაში გაურკვეველი ხალხის შემოდინება.

სიახლეები

ჟურნალისტ ელისო კილაძეს 10-წლიანი პატიმრობა მიესაჯა

ჟურნალისტ ელისო კილაძეს 10-წლიანი პატიმრობა მიესაჯა გადაწყვეტილება თბილისის საქალაქო სასამართლოში გამოცხადდა დღევანდელ სასამართლო პროცესზე დასკვნითი სიტყვის...

უსმან ნურმაგომედოვი და მისი თანაგუნდელები აბუ-დაბის ციხიდან გაათავისუფლეს

დაღესტნელი მებრძოლი უსმან ნურმაგომედოვი და მისი გუნდის წევრები არაბთა გაერთიანებულ საამიროების ციხიდან გაათავისუფლეს, -...

ევროკავშირმა რუსეთის წინააღმდეგ სანქციები გააფართოვა

ევროკავშირმა რუსეთის წინააღმდეგ სანქციების სია გააფართოვა. ახალი შეზღუდვები 12 ფიზიკურ პირსა და 101 ორგანიზაციას...

ევროკავშირმა უკრაინისთვის €8 მილიარდის გადარიცხვა დაამტკიცა

ევროკავშირის საბჭომ Ukraine Facility-ს პროგრამის ფარგლებში კიევისთვის თითქმის 8 მილიარდი ევროს გადარიცხვა დაამტკიცა, რაც...