ხულოში, ხორჯომის თემის სოფელ ჭახაურაში ხანძრის შედეგად ორი საცხოვრებელი სახლი დაიწვა. ხანძრის შედეგად ორი ადამიანი დაიღუპა.-, გარდაცვლილია 77 წლის შშმ მამაკაცი და 18 წლის გოგონა, რომელნიც ამ დროს სახლში იმყოფებოდნენ, არიან სხვა დაზარალებულებიც.
ხულოს მუნიციპალიტეტის მერიის შესაბამისი სამსახურების წარმომადგენლების ინფორმაციით, შესაბამისი კომისიის მიერ ზარალის შესწავლის შემდეგ დაზარალებულებს შესაბამისი დახმარება გაეწევათ.
ადგილზე მთელი ღამე მობილიზებულები იყვნენ მაშველი მეხანძრეები და სამართალდამცველები.