ინდოეთის ქალაქ ამრიტსარში მატარებელი ხალხს დაჯახა. Hindustan Times – ის ცნობით, დაიღუპა 61 ადამიანი, დაშავდა 200-ზე მეტი ადამიანი, მათგან 25 უკიდურესად მძიმე მდგომარეობაშია.
უბედური შემთხვევა ფესტივალის „ვიჯაიადაშამის“ მიმდინარეობისას მოხდა.
თვითმხილველების ინფორმაციით, ხმაურის დროს, ხალხმა მატარებლის მოახლოება ვერ შენიშნა. ყოველწლიური ფესტივალი სიკეთის ბოროტებაზე გამარჯვების აღსანიშნავად იმართება და ათასობით ადამიანი ესწრება.
