ბიზნესმენ ამირან დეკანოიძის შვილის 23 წლის გიორგი დეკანოიძის გატაცებაში ბრალდებული 10 პირის აღკვეთის ღონისძიების შეფარდებაზე სასამართლო დღეს იმსჯელებს . პროკურატურა ბრალდებულების მიმართ აღკვეთის ღონისძიების სახით პატიმრობის შეფარდებას ითხოვს.
დროებითი მოთავსების იზოლატორიდან გუშინ გატაცების საქმეზე დაკავებული 10 პირიდან ოთარ გელაძე, ნიკა ქავთარაძე და მარინა ესაძე გაათავისუფლეს ამ უკანასკნელის ქმარი არის მამუკა ესაძე, რომელსაც ბრალი ოფიციალურად წაუყენეს . მამუკა ესაძე , არსებული ინფორმაციით ,გატაცების ორგანიზატორია.
შინაგან საქმეთა სამინისტროს ინფორმაციით, გამოძიებამ დაადგინა, რომ დაკავებულებმა 1995 წელს დაბადებულ ახალგაზრდას თბილისის ერთ-ერთ ქუჩაზე უკანონოდ აღუკვეთეს თავისუფლება და გაურკვეველი მიმართულებით გაიტაცეს.
გავრცელებული ცნობით, პოლიციის მთავარ სამმართველოში გუშინ გვიან ღამემდე მიმდინარეობდა გიორგი დეკანოიძის გამოკითხვა.