ზუგდიდის მეოთხე საჯარო სკოლის სარეკონსტრუქციო სამუშაოები კვლავ შეჩერდა.

 

სკოლის სარეკონსტრუქციო სამუშაოებზე დასაქმებული მუშები  უარს ამბობენ მუშაობის გაგრძელებაზე და შრომის დროულად და სრულად  ანაზღაურებას ითხოვენ.

 

საპროტესტო აქციის მონაწილეებიაცხადებენ, რომ ამ დრომდე არ მიუღიათ სექტემბრის ანაზღაურება, რომელიც ხელშეკრულების თანახმად 15 სექტენბერს უნდა მიეღოთ. ,,ოდიში ნიუსი'' უკვე იუწყებოდა, რომ ხელფასის მოთხოვნით გამოსულმა მუშებმა  სამუშაოები ამავე  მოთხოვნით   25 სექტემბერსაც შეაჩერეს, მაგრამ ადმინისტრაციის დაპირება მიირეს და მალევე განაახლეს, ტუმცა ეს დაპირება აქამდე არ შესრულებულა.

 

„ხელფასი ისედაც მცირე გვაქვს, თუმცა ყოველი თვის 15-ში გვერიცხებოდა, მაგრამ ამ დრომდე არ მიგვიღია. გვეუბნებიან, რომ მომავალ კვირას ჩაგვირიცხავენ, მაგრამ ამათი დაპირებების არ გვჯერა. კომპანიის ხელმძღვანელობამ აიღო ხელფასები, ჩვენთვის კი არ მოუციათ“, – ამბობენ აქციის მონაწილეები.

 

აქციაზე კომპანიის საპროექტო ზედამხედველობის წარმომადგენელს ზვიად ჭანტურიასა და მუშებს შორის სიტყვიერი დაპირისპირება მოხდა, შედეგად იგი იძულებული გახდა ,,დაპირება გაეუმჯობესებინა'' და აღუთქვა, რომ  ხელფასი დღესვე დაერიცხებათ., თუმცა  საპროტესო აქციის მონაწილეები ამჯერად მის დაპირებას აღარ ენდნენ    და  კომპანიის ხელმძღვანელობას ელოდებიან.

 

 

გაფიცულები გამოთქვამენ უკმაყოფილებას იმ ფაქტითაც, რომ მათ  პრობლემის გაზიარებაზე უარს ამბობენ მშენებლობაზე დასაქმებული ჩინელი მუშები,  ისინი უარს ამბობენ  სოლიდარობის ნისნად მუშაობის შეწყვეტაზე და, რადგანაც გაფიცულებს ჭიშკარი გადაკეტილი აქვთ,  ტერტორიაზე მოხვედრას ღობეზე გადაძრომით ცდილობენ. ჩვენმა კორესპონდენტმა ლევან აბლოთიამ ერთერთი შტრეიკბეხერი სწორედ ამ დროს დააფიქსირა.

 

სკოლის რეკონსტრუქცია ათასწლეულის გამოწვევის ფონდის – საქართველოს პროექტის ფარგლებში ხორციელდება.