სალომე ზურაბიშვილი თავს უკვე პრეზიდენტად იხსენიებს და ზვიად გამსახურდიას მკვლელობის გამოძიების აუცილებლობაზე საუბრობს. ეს იყო ორი მნიშვნელოვანი მომენტი მისი გამოსვლიდან ხობში გამართულ შეხვედრაზე.
,,მე ვთვლი, როგორც პრეზიდენტი, რომ არ შეიძლება, რომ საქართველოში არ დასრულდეს ის გამოძიება, რომელიც ეხება ზვიად გამსახურდიას, პრეზიდენტის სიკვდილს. ეს არის სირცხვილი ქვეყნისთვის და ჩვენ ვალდებული ვართ, რომ დავასრულოთ, დავხუროთ ეს ფურცელი ჩვენი ისტორიის,“-განაცხადა სალომე ზურაბიშვილმა.
სალომე ზურაბიშვილის ნება და უფლებაა თავის ფერად სიზრებში თავი უკვე პრეზიდენტად წარმოიდგინოს,მაგრამ რამდენად აქვს მორალური უფლება ისაუბროს ზვიად გამსახურდიაზე, რომლის დევნაში თავად მასაც უდევს წვლილი. – საკითხავი ეს არის.
საქართველოს პრეზიდენტი ზვიად გამსახურდია ის მასალა არ არის, რომელიც სალომე ზურაბიშვილს თავისი პიარისთვის გამოადგება და მას უნდა ესმოდეს უკურექაცია, რომელსაც მსგავსი განცხადებები წვევს, რადგან ხალხის მეხსიერება ასე იოლად წასაშლელი არ არის.
შეხვედრაზე გაჟღერდა თემაც ,,სოფლის შენებას რა უნდა'' : .„მომავალს ერთად ვაშენებთ და ამისთვის ვარ აქ ჩამოსული.'' – განაცხადა სალომე ზურაბიშვილმა.
,,ქართული ოცნების'' მიერ მხარდაჭერილი პრეზიდენტობის კანდიდატის შეხვედრას კულტურის სახლში ძირითადად საჯარო მოხელეები ესწრებოდნენ, რომლებიც რეგიონის თითქმის ყველა რაიონიდან ჩაიყვანეს ხობში. თანამდებობის პირების გარდა, შეხვედრას მეეზოვეებიც ესწრებოდნენ. კულტურის სახლში მივიდნენ ექიმები და პედაგოგებიც.