,, ზურაბიშვილი პირველ ტურში ვერ გაიმარჯვებს„ მას აქვს მხოლოდ და მხოლოდ იმის შანსი, რომ მიიღოს ხმების ძალიან მწირი რაოდენობ. ნებისმიერ ადგილზე, სადაც არ უნდა დასვათ, კითხვა: აძლევთ თუ არა ხმას სალომე ზურაბიშვილს, ნახავთ, რომ მხარს უჭერს 100-დან 1.

 

 მეორე ტურში გასვლის შანსი მას მხოლოდ ადმინისტრაციული რესურსის გამოყენებამ, დაშინებამ და მსგავსმა   მეთოდებმა შეიძლება მისცეს “  –  ასე ეხმაურება  „ნაციონალური მოძრაობის“ ერთ-ერთი ლიდერი რომან გოცირიძე  „ქართული ოცნების“ მიერ გამოქვეყნებული კვლევის შედეგებს

 

ამ კვლევის თანახმად, საპრეზიდენტო არჩევნებში, პირველივე ტურში 53%-ით სალომე ზურაბიშვილი იმარჯვებს. მეორე ადგილს 19%-იანი მაჩვენებლით გრიგოლ ვაშაძე, მესამე ადგილს კი 17%-ით დავით ბაქრაძე იკავებს, ხოლო სხვა კანდიდატებს 11%-იანი მაჩვენებელი აქვთ.

 

,,ქართული ოცნების“ მიერ გამოქვეყნებული შედეგები არ არსებობს,  შედეგებში არ ჩანს კვლევის მეთოდოლოგია, ასევე რამდენი ადამიანი გამოიკითხა და სად ჩატარდა გამოკითხვა. ასე შეიძლება ნებისმიერმა პარტიამ იცრუოს. ეს არის მორიგი  სატყუარა .  ატყუებენ საზოგადოებას, რომ პირველ ტურში იმარჯვებენ“- აცხადებს  რომან გოცირიძე