სალომე ზურაბიშვილის განცხადებები თურქეთშიც ყურადღების ცენტრში მოექცა. ერთ-ერთ თურქულ საიტზე გამოქვეყნდა პოლიტოლოგის სტატია, სადაც ის წერს, თუ რატომ დაადანაშაულეს ქართულმა არასამთავრობო ორგანიზაციებმა ზურაბიშვილი ქსენოფობიაში. საუბარია ოქტომბრის დასაწყისში სამცხე-ჯავახეთში ეთნიკურად სომეხ საქართველოს მოქალაქეებთან შეხვედრაზე, როდესაც საპრეზიდენტო კანდიდატმა თქვა, რომ წინა პრეზიდენტმა მოქალაქეობა ბევრ თურქს მისცა, მათ კი არა. სამოქალაქო სექტორი მიიჩნევდა, რომ ზურაბიშვილის ეს განცხადება შუღლის გაღვივებას უწყობდა ხელს, რაც ქსენოფობიური და ანტისახელმწიფოებრივი იყო. თურქი პოლიტოლოგი კი ვარაუდობს, რომ ზურაბიშვილი სეპარატისტების დაკვეთას ასრულებს.