ხელისუფლება აქცენტების გადაადგილებას ცდილობს, მისთვის მთავარია არა მიზეზები, რამაც სისტემური კრახი გამოიწვია, არამედ ის, როგორ იქნა მოპოვებული სკანდალური ჩანაწერები, რასაც საზოგადოების აღშფოთება მოჰყვა და მისი დასასრული მოაახლოვა. .
ეს კარგად ჩანს ხელისუფლების წარმომადგენელთა და მხარდამჭერთა შეფასებებში.
საპარლამენტო უმრავლესობის ერთ-ერთი ლიდერი გედევან ფოფხაძე ამბობს, რომ ,, პროკურატურის ყოფილ მაღალჩინოსანს, მირზა სუბელიანს, საკუთარ თავთან პრობლემები აქვს''. . თუმცა, მიუხედავად ამ შეფასებისა ფოფხაძეს კითხვები შს მინისტრთანაც აქვს. დეპუტატს აინტერესებს, როგორ გამოდის მსგავსი ტიპის ჩანაწერები, სააშკარაოზე.
,,არ მგონია რეალური, რაზეც ჩანაწერებშია საუბარი. შეფასება რაც მისგან მოდის მისი არასწორი თვითშეფასებისა და ხედვების გამოა, თუმცა ყველაფერი ეს უნდა იყოს გამოძიებული. საგამოძიებო უწყებებთან შეკითხვები მაქვს იმასთან დაკავშირებით თუ როგორ გამოდის მსგავსი სახის ჩანაწერები გარეთ,"-განაცხადა ფოფხაძემ
ეს სიტყვები ადასტურებს გაერთიანებული ოპოზიციის „ძალა ერთობაშია"-ს საპრეზიდენტო კანდიდატის მოსაზრებას, რომ სკანდალურ ჩანაწერებში მონაწილე პირების გამოკითხვა მხოლოდ ფორმალური ხასიათის იქნება. კრიმინალები შეხვდებიან და იქნება "რაზბორკა" ვინ ჩაწერა და გამოიტანა ფირი''
„იმდენი ფირი, რამდენიც „ომეგას“ და ,,იბერიის“ საქმის დატერორებაზეა გამოქვეყნებული, აქამდე ყველა დამნაშავე დასჯილი თუ არა, დაკავებული უნდა იყოს. ყველა ვინც ამ ფირებში ფიგურირებს. დარწმუნებული იყავით, არავითარი გამოკითხვა არ იქნება. ეს იქნება სუფთა წყლის ფორმალობა, ერთი კრიმინალი შეხვდება მეორეს, რაღაცაზე მოილაპარაკებენ და დაიწყებენ რაზბორკას. ხომ გახსოვთ ეს ტერმინოლოგია, რომლითაც პარლამენტის დეპუტატი და ყოფილი პროკურორი საუბრობენ.
დაიწყებენ რაზბორკას, როგორ მოხდა რომ სუბელიანის და მისი საუბარი ვიღაცამ ჩაწერა და გამოიტანა“-აცხადებს გრიგოლ ვაშაძე, შესაბამისად მას არბ სჯერა, ,რომ გამოძიება რეალურ შედეგს გამოიღებს.