გაერთიანებული ოპოზიციის პრეზიდენტობის კანდიდატი გრიგოლ ვაშაძე მიიჩნევს, რომ „ქართული ოცნების" და სალომე ზურაბიშვილის მხარდაჭერა, საქართველოს წინააღმდეგ შეთქმულების მხარდაჭერას ნიშნავს. ამის შესახებ გრიგოლ ვაშაძემ დღეს გამართულ ბრიფინგზე განაცხადა.
„28 ოქტომბერს არსებული ხელისუფლების და მისი კანდიდატის მხარდაჭერა, ვადაგასული ფრანგული სუნამოსავით სიბინძურეებს რომ ასხამენ, ნიშნავს მხარი დაუჭირო საქართველოს წინააღმდეგ შეთქმულებას. ეს ნიშნავს, რომ ხაზი გადაუსვა ჩვენი სამშობლოს მომავალს. 28 ოქტომბერი არის გზაგასაყარი, ეს არის არჩევანი ყოფნას და არყოფნას შორის. პირველსავე ტურში ჩვენ უნდა დავამარცხოთ მაფიოზური შეიარაღებული დაჯგუფებები, რაც შეიძლება სწრაფად ჩავატაროთ ვადამდელი საპარლამენტო არჩევნები და ქვეყნის სადავეები ჩავაბაროთ ეროვნულ, პროდასავლურ, დემოკრატიულ კოალიციურ მთავრობას. სხვანაირად ჩვენ ფიზიკური გაქრობა გვემუქრება. ყველა პარტიასა და საზოგადოებრივ ორგანიზაციას მოვუწოდებ -შემოგვიერთდით," – განაცხადა გრიგოლ ვაშაძემ.