მთავარისიახლეებიპოლიტიკავანო მერაბიშვილის განცხადებით ის ყველაფრისთვის მზად არის და მას ვერ გატეხავენ ვერანაირი...

ვანო მერაბიშვილის განცხადებით ის ყველაფრისთვის მზად არის და მას ვერ გატეხავენ ვერანაირი მეთოდით თუმდაც ეს მოწამვლა იყოს.

Published on

პატიმრობიდან 5 წლისა და 5 თვის თავზე ვანო მერაბიშვილი დუმილს არღვევს. ყოფილი პრემიერი-მინისტრი P.S.-სთან ექსკლუზიურ ინტერვიუში მისი მოწამვლის შესახებ გავრცელებულ ინფორმაციას ეხმაურება. ვანო მერაბიშვილი ამბობს, რომ ეს ეჭვი მის მეგობრებს აქვს თუმცა იქიდან გამომდინარე, რომ ხშირად პირად საუბრებში მედიკოსებიც ეუბნებიან, რომ დაავადება, რომელიც მას აქვს ინფექცია იწვევს ეს ეჭვი უსაფუძვლო არაა. მერაბიშვილი აცხადებს, რომ მოწამვლის შემთხვევაში ძნელი იქნება იმის დადგენა რა საშუალებებით ხდება ეს და მაგალითისთვის უკრაინის ყოფილი პრეზიდენტო იუშენკო მოჰყავს. ყოფილი პრემიერი ამბობს, რომ ამ დრომდე ვერ მოხერხდა იმის დადგენა თუ რა ნივთიერებით მოწამლეს იუშენკო. ვანო მერაბიშვილის განცხადებით ის ყველაფრისთვის მზად არის და მას ვერ გატეხავენ ვერანაირი მეთოდით თუმდაც ეს მოწამვლა იყოს. ვანო მერაბიშვილი მის პატიმრობაზეც საუბრობს და აცხადებს, რომ მისი ერთ კაციან საკანში ჯდომა ყოველგვარი კომუნიკაციების გარეშე ჩვეულებრივი ანგარიშსწორებაა. ყოფილი პრემიერი აცხადებს, რომ ხელისუფლებას ეშინია გამოცდილი პოლიტიკოსების და მათ იზოლაციაში აქცევს. ვანო მერაბიშვილის განცხადებით, ის მორალურად მყარად გრძნობს თავს და აგრძელებს ბრძოლას. რამდენადაც ცნობილია ვანო მერაბიშვილმა არც ერთხელ არ მიმართა პრეზიდენტს შეწყალების თხოვნით. როგორც თავად განმარტავს, მას არ სურს ვინმე იყოს დარტყმის ქვეშ და ამ გადაწყვეტილების მიღება პრეზიდენტმა თავად ვერ გარისკა. ვანო მერაბიშვილი ასევე აცხადებს, რომ მან კარგად იცოდა, რომ დააკავებდნენ თუმცა გაქცევა ქვეყნიდან არ უფიქრია. ყოფილი პრემიერი “ნაციონალური მოძრაობიდან” “ევროპული საქართველოს” გამოყოფასაც ეხმაურება. ამბობს, რომ ამ ორმა ძალამ რაღაც ეტაპზე უნდა ნახოს საერთო და დაიწყოს ბრძოლა. მისივე თქმით ის ამ ორ ძალას ვერ ყოფს რადგან ორივე მათგანში ხედავს მის მეგობრებს და ისინი ცალ-ცალკე ვერ წარმოუდგენია. საქართველოს ყოფილ შინაგან საქმეთა მინისტრსა და პრემიერს სასჯელის ვადა 2020 წლის თებერვლში ეწურება, თუმცა ცხადია თუ დაგეგმილ საპრეზიდენტო არჩევნებში ოპოზიციონერი კანდიდატი გაიმარჯვებს ვანო მერაბიშვილი საპატიმრო დაწესებულებას ამ წლის ბოლომდე დატოვებს.

სიახლეები

აბუ-დაბიში დაკავებული მერაბ დვალიშვილი და საბა ლაზიშვილი თავისუფლები არიან

აბუ-დაბიში დაკავებული მერაბ დვალიშვილი და საბა ლაზიშვილი თავისუფლები არიან - ინფორმაციას ჟურნალისტი არიელ ჰელვანი...

პაპუაშვილი-დღეს ევროკავშირი გადართულია საქართველოს დაზიანების კურსზე

დღეს ბრიუსელი ცდილობს რომ დააზიანოს საქართველო ყველანაირად - ეკონომიკურად, პოლიტიკურად, სოციალურად დააზიანოს ქართველი ხალხი,...

ევროკავშირი შავი ზღვის უსაფრთხოების ჰაბის შესაქმნელად 50 მლნ ევროს გამოყოფს

ევროკავშირი სამოქალაქო გემებზე თავდასხმების გახშირების ფონზე, რუმინეთ-ბულგარეთის ერთობლივი შავი ზღვის საზღვაო უსაფრთხოების ჰაბის შექმნის...

ჟურნალისტ გურამ როგავაზე თავდასხმაში ბრალდებულ სპეცრაზმელს 5-წლიანი პატიმრობა მიესაჯა

ჟურნალისტ გურამ როგავაზე 2024 წლის საპროტესტო აქციაზე თავდასხმაში ბრალდებულ სპეცრაზმელს, გურამ კირკიტაძეს, 5-წლიანი პატიმრობა...