„ ვზივარ ჩემთვის ფრანქფურტში, მოვიდა სააკაშვილი, საჯაროდ მომიბოდიშა, საქართველოსთვის თავდადებული მებრძოლი მიწოდა და წავიდა. აღარ ვარ რუსეთის საელჩოსთან "შნურით" მიბმული“, – წერს ლევან ბერძენიშვილი მისთვის დამახასიათებელი სარკაზმით .
საუბარია იმაზე, რომ ფრანკფურტის წიგნის ბაზრობაზე საპატიო სტუმრის სტატუსით მიწვეულმა პრეზიდენტმა სააკაშვილმა ლევან ბერძენიშვილს და მისი სახით ყველას, ვისგანაც შესაძლოა, სურვილის შემთხვევაში, რაიმე კარგი გამოვიდეს ქვეყნისთვის, შერიგების ხელი გაუწოდა
მიხეილ სააკაშვილი, როგორც იტყვიან, იობის მოთმინებით ეხმიანება ამ სარკასტულ განცხადებას:
,,გუშინ ლევან ბერძენიშვილს მართლა ვუთხარი, რომ ვაფასებ მის ბრძოლას თავისუფლებისთვის,საბჭოთა რეჟიმის წინააღმდეგ. არასწორად მიმაჩნია მისი რუსეთის ჯაშუშად გამოცხადება.ვთვლი,რომ ჩვენ ყველა უნდა გავერთიანდეთ ჩვენი ქვეყნისთვის.თუ ეს ბოდიშად ჩაითვალა,მე არ მწყინს და არც სხვამ უნდა განიცადოს.
ჩვენ ყველანი უნდა დავდგეთ პირად წყენებზე მაღლა და ერთად დავუპირისპირდეთ დიდ საფრთხეს …
რაც უფრო მალე მივხვდებით ამას, მით უფრო დამაჯერებლად და სწრაფად გაიმარჯვებს საქართველო..'' წერს მიხეილ სააკაშვილი თავის პირად ფეისბუქგვერდზე.
ის, რასაც არ ამბობს სააკაშვილი, იმ მოსაზრებით, რაც ამ სტატუსშია განმარტებული, თქვა საქართველოს ერთერთმა საუკეთესო პუბლიცისტმა ქეთევან ქურდოვანიძემ:
უფრო დიდი უღირსობა არ არსებობს – ადამიანი ბოდიშს რომ მოგიხდის და შენ დამცინავ სტატუსს გამოაცხობ. ნეტავ, რას იზამდა, ბიძინას რომ მოეხადა ბოდიში?