პირადობის მოწმობის უფასოდ გაცემის აქცია პირველ იანვრამდე გაგრძელდება

0
379
პირადობის მოწმობის უფასოდ გაცემის აქცია  პირველ იანვრამდე გაგრძელდება.
 
საარჩევნო სიის დახვეწის მიზნით დაწყებული აქციის ფარგლებში, პირადობის დამადასტურებელი მოწმობა უკვე აიღო უფასოდ 98 ათასზე მეტმა მოქალაქემ, რომელიც .გარკვეუი კატეგორიას მიეკუთვნება. 
 
საარჩევნო ბაზების დახვეწასთან ერთად აქციის მიზნად მოქალაქეების თანამედროვე და სანდო ელექტრონული დოკუმენტით უზრუნველყოფა სახელდება.
 
 
 
"საქართველოს ის მოქალაქეები, მათ შორის, არასრულწლოვნები, რომელთაც პირველ  იანვრამდე უსრულდებათ 18 წელი, ვის სახელზეც 2018 წლის 1 მარტამდე გაცემული არ იყო საქართველოს მოქალაქის პირადობის დამადასტურებელი არც ერთი დოკუმენტი;
 
"მოქალაქეები, რომელთა პირადობის დამადასტურებელი დოკუმენტების ფოტოსურათები გამოუსადეგარია (უხარისხოა) ან საერთოდ არ ინახება სააგენტოს მონაცემთა ელექტრონულ ბაზაში;
 
"რეგისტრაციიდან მოხსნილი, გაუქმებული პირადობის დამადასტურებელი დოკუმენტის მქონე მოქალაქეები, თუ ისინი დარეგისტრირდებიან კორექტულ მისამართზე; მისამართის გარეშე რეგისტრირებული, გაუქმებული პირადობის დამადასტურებელი დოკუმენტის მქონე მოქალაქეები, თუ ისინი დარეგისტრირდებიან კორექტულ მისამართზე; მოქალაქეები, რომელთაც არ აქვთ იურიდიული ძალის მქონე არც ერთი დოკუმენტი;
 
"ის პირები, რომლებიც რეგისტრირებული არიან საქართველოს ოკუპირებულ ტერიტორიაზე და არ ფლობენ იძულებით გადაადგილებული პირის სტატუსს, ამასთან, გაუქმებული აქვთ პირადობის მოწმობა. აღნიშნული პირები აქციით ისარგებლებენ იმ შემთხვევაში, თუ ისინი დარეგისტრირდებიან საქართველოს არაოკუპირებულ ტერიტორიაზე არსებულ კონკრეტულ მისამართზე,"-ამბობს სოსო გიორგაძე..
წინა სტატიაქრისტინა პუშოუ: “ძალიან გაკვირვებული ვართ პოლიციის ქმედებით. მე არ მგონია, რომ ახლა სიტყვის თავისუფლება არსებობს თქვენს ქვეყანაში”
შემდეგი სტატიააფხაზეთის ლეგიტიმური ხელისუფლების სტრუქტურები რეფორმირებას საჭიროებს” – დავით ბაქრაძე ,,აფხაზთა კრების წარმომადგენლებს შეხვდა
ტელეკომპანია ოდიშის საინფორმაციო სამსახური