პაატა ბურჭულაძის მეუღლეს დღეს სასამართლოში დაკითხავენ

0
361

პაატა ბურჭულაძის მეუღლეს დღეს თბილისის საქალაქო სასამართლოში გამოკითხვაზე ელოდებიან. ანგელა ვასილენკო მზად არის ყველა იმ დეტალზე ისაუბროს, რაც ფონდი “იავნანას” საქმიანობას უკავშირდება. თავდაპირველად ბურჭულაძის მეუღლე გამოკითხვაზე პროკურატურაში დაიბარეს, თუმცა იმის გამო, რომ ვასილენკო ქვეყნიდან გადიოდა, პროცედურის ჩატარება 8 ოქტომბრისთვის უკვე სასამართლოში გადაწყდა. „ფონდ იავნანას“ წინააღდეგ გამოძიება თანხების გაფლანგვისა და მითვისების მუხლით ორი წლის წინ დაიწყო, რის გამოც ფონდი დღემდე სრულფასოვანად ვეღარ ფუნქციონირებს. „მე დიდი ხანი მინდოდა ამეხსნა პროკურატურისთვის ჩემი მოვალეობები ფონდში. მე 2014 წლიდან ფონდის საორგანიზაციო საკითხებში ვარ ჩართული. მეხებოდა ფონდის სამხატვრო მიმართულება. ეს იყო საკმაოდ რთული სამუშაო, რადგან ხელოვანების მოწვევა და აქ ჩამოყვანა არც ისე მარტივია. მე ვმუშაობდი მათ ჩამოყვანაზე და ეს ყველაფერი იყო საქველმოქმედო ხასიათის და სწორედ ამ ყველაფერზე ვაპირებ დღეს მე სასამართლოში ვისაუბრო,“-განაცხადა პაატა ბურჭულაძის მეუღლემ ანგელა ვასილენკო.

წინა სტატიადღეს მე მაწუხებს ის, რაც გაწუხებთ თქვენ. მაწუხებს მავნებელი მთავრობა, რომელმაც ვერაფერი ვერ გააკეთა და ცდილობენ რაც კარგია ის დაანგრიოს- ბურჭულაძე
შემდეგი სტატიააქცია ბათუმში – ადგილობრივები მამაკაცის გარდაცვალებაში საპატრულო პოლიციას ადანაშაულებენ
ტელეკომპანია ოდიშის საინფორმაციო სამსახური