გრიგოლ ვაშაძე: ხელისუფლებაში მოვა ეროვნული კოალიციური მთავრობა, რომელიც ხალხის ინტერესებზე იქნება ორიენტირებული

0
414
28 ოქტომბრიდან დაიწყება ხელისუფლების ჩანაცვლების პროცესი და ხელისუფლებაში მოვა ეროვნული კოალიციური მთავრობა, რომელიც ხალხის ინტერესებზე იქნება ორიენტირებული.  – განაცხადა გაერთიანებული ოპოზიციის მოძრაობა "ძალა ერთობაშია"-ს საპრეზიდენტო კანდიდატმა გრიგოლ ვაშაძემ ნაძალადევის მოსახლეობასთან შეხვედრისას.  
 
გრიგოლ ვაშაძემ ადგილობრივებს სამომავლო გეგმები და საარჩევნო პროგრამა გააცნო. საპრეზიდენტო კანდიდატის განცხადებით, ქვეყანა ბიძინა ივანიშვილის მაფიოზური კლანის მიერ იმართება.
 
„მაქვს კითხვა – ხომ მზად ხართ, რომ დავიცვათ ჩვენი გამარჯვება და ხომ არ გააყალბებინებთ ამ არჩევნებს? კიდევ ერთხელ პირობას ვაძლევ ყველა ჩვენს ამომრჩეველს თუ მხარდამჭერს, საქართველოს ყველა მოქალაქეს, არავის მივცემთ ნებას შეეხოს ქართველი ხალხის არჩევანს.
 
"ყველაფერი გაკეთდება საქართველოს კანონმდებლობის  და ადამიანის უფლებების საყოველთაო დეკლარაციის ფარგლებში. ჩვენ კანონმორჩილი ხალხი ვართ და არაფერს არ ვაკეთებთ , გარდა იმისა, რომ მონაწილეობას ვღებულობთ არჩევნებში და მოვითხოვთ  ე.წ. ხელისუფლებისგან ამ არჩევნების პატიოსნად ჩატარებას,“ – განაცხადა გრიგოლ ვაშაძემ.
წინა სტატიადასავლეთ საქართველოში ძლიერი ქარია მოსალოდნელი
შემდეგი სტატიაელიავას ბაზრობაზე რკინის საამქრო იწვის
ტელეკომპანია ოდიშის საინფორმაციო სამსახური