რუს სამხედროებს გულრიფშში ევკალიპტის ხე დაეცა – ორი მკვდარია, მესამეს თავი აქვს დაზიანებული

0
430
აფხაზური მედიის ცნობით, გუშინ ოჩამჩირე- სოხუმის ტრასაზე,  გულრიფშის რაიონის სიახლოვეს,   დაბა აგუძერის გადასახვევზე ,„უაზის“ მარკის სამხედრო მანქანას,   რომელსაც რუსი მესაზღვრეები გადაჰყავდა,   ევკალიპტის ხე დაეცა.
 
შედეგად,  ადგილზე გარდაიცვალა ორი მესაზღვრე , მესამე კი თავის ქალის მძიმე ტრავმით რესპუბლიკურ საავადმყოფოშია გადაყვანილიю რესპუბლიკური საავადმყოფოს მთავარი ექიმის დაურ გურგულიას  ცნობით, მკურნალი ექიმები  დასავებულის  მდგომარეობას აფასებენ, როგორც მძიმეს და,  შესაძლოა, მისი  რუსეთის კლინიკაში გადაყვანა  გახდეს საჭირო. 
 
აფხაზეთის ხელისუფლებისა და პოლიტიკური პარტიების წარმომადგენლები ერთმანეთს ასწრებენ სამძიმრის გამოთქმას.
 
ოპოზიციური საერთო ეროვნული მოძრაობა ,,აფხაზეთის სახელმწიფოებრიობის გადარჩენისათვის'' სამძიმრის წერილით მიმართავს  დაღუპულთა ოჯახებს და აფხაზეთში რუსეთის სასაზღვრო სამმართველოს ხელმძღვანელობასა და პირად შემადგენლობას. ,, ამ  ტრაგიკულმა  შემთხვევამ შეძრა აფხაზეთის თითოეული მოქალაქე . რუსი მესაზღვრეები აფხაზ კოლეებთან ერთად იცავენ ჩვენი სახელმწიფოს საზღვრებს  და უზრუნველყოფენ ჩვენი მოქალაქეების უსაფრხოებას, ჩვენი ხალხი მადლიერებით მიაგებს პატივს ყველა რუს სამხედროს, რომელიც დაიღუპა ჩვენს მიწაზე მშვიდობის შენარჩუნებისათვის.'' –  ნათქვამია განცხადებაში.
 
 
 
 

.

 
 
 
წინა სტატიამეწყერი ხელვაჩაურში- დაზიანებულია საცხოვრებელი სახლებო
შემდეგი სტატიამიმდინარეობს ქვეყნის სახელმწიფოებრივი ნგრევა – აღნიშნეს მესამე სექტორის წარმომადგენლებმა გაერთიანებულ ოპოზიციასთან შეხვედრაზე
ტელეკომპანია ოდიშის საინფორმაციო სამსახური