საეჭვო თანხები, რომლებიც წინასაარჩევნოდ პარტიების ანგარიშებზე ირიცხება – შემოწირულობებთან დაკავშირებით 10 პირი აუდიტის სამსახურში გამოკითხვაზეა დაბარებული. უწყებაში კონკრეტულ შემომწირველებს არ ასახელებენ, თუმცა აცხადებენ, რომ საუბარია შემოწირულობებით ლიდერ რამდენიმე პარტიაზე, რომლებსაც სულ 10-მა ადამიანმა ჯამში 78 000 ლარი შესწირა.
აუდიტორებმა ამ თანხის წარმომავლობა საეჭვოდ ჩათვალეს, რადგან ის შესაბამისობაში არ მოდის შემომწირველების შემოსავლებთან.