ინტერპოლის პრეზიდენტი მენ ჰუნვეი გაუჩინარდა. საფრანგეთის სამართალდამცავმა ორგანოებმა გაუჩინარების ფაქტზე გამოძიება დაიწყეს და ძებნა გამოაცხადეს – იუწყება Reuters-ი
გავრცელებული ინფორმაციით, 64 წლის მენ ჰუნვეი 29 სექტემბერს ჩინეთში გამგზავრების შემდეგ არ გამოდის კავშირზე. მისი გაუჩინარების შესახებ სამართალდამცველებს საფრანგეთის ქალაქ ლიონში მცხოვრებმა მისმა მეუღლემ აცნობა.
მენ ჰუნვეის მივლინების მიზნების შესახებ ამ ეტაპზე არაფერია ცნობილი.
ინტერპოლის პრეზიდენტი ჩინეთის მოქალაქეა, ამ პოსტზე იგი 2016 წელს დაინიშნა, მანამდე კი თავის ქვეყანაში საზოგადოებრივი უსაფრთხოების მინისტრის მოადგილე იყო, უფრო ადრე კი უსაფრთხოების მინისტრი. .