ოპოზიციური გაერთიანების „ძალა ერთობაშია“ საპრეზიდენტო კანდიდატმა გრიგოლ ვაშაძემ თავის ფეისბუქგვერდზე გაავრცელა მიმართვა პარტია „რესპუბლიკელების“ ერთ-ერთ ლიდერის ლევან ბერძენიშვილისადმი.
განცხადებაში იგი ლევან ბერძენიშვილს გაერთიანებას სთავაზობს და აღნიშნავს, რომ ის ბერძენიშვილს ყოველთვის თვლიდა საბჭოთა კავშირის წინააღმდეგ და საქართველოს თავისუფლებისათვის მებრძოლ პატრიოტად.
„დადგა დრო გაერთიანებისა, რათა ხელისუფლებაში მოვიდეს ეროვნული კოალიციური მთავრობა, რომელიც ერთხელ და სამუდამოდ დაამკვიდრებს პოლიტიკური კონკურენციის დემოკრატიულ წესებს და უზრუნველყოფს ჩვენი სახელმწიფოს წარმატებას და ღირსეულ მომავალს“, – აღნიშნავს გრიგოლ ვაშაძე.
„რესპუბლიკური პარტია“ ამ არჩევნებში მხარს არავის უჭერს. გრიგოლ ვაშაძის ნათქვამი, რომ არ მივაჩნივარ აგენტად, სასიამოვნოა, მაგრამ ჩვენ გაერთიანებას არავისთან ვაპირებთ“, -განაცხადა პასუხად ლევან ბერძენიშვილმა.