სანკტ-პეტერბურგში, „რუსეთის საზღვაო პორტის“ ადმინისტრაციულ შენობაში აფეთქება მოხდა.
რუსული მედიის ინფორმაცით, ინციდენტი „რუსეთის საზღვაო პორტის“ ადმინისტრაციის შენობაში ადგილობრივი დროით 09:00 საათზე მოხდა.
სამსახურში მისულმა თანამშრომელმა გახსნა ხის ყუთი, რის შემდეგაც აფეთქება მოხდა. მამაკაცი საავადმყოფოში გადაიყვანეს. დაუდასტურებელი ინფორმაციით, აფეთქების შედეგად მან ორივე ფეხი დაკარგა.
„რუსეთის საზღვაო პორტის“ ადმინისტრაციის შენობიდან 400 ადამიანის ევაკუაცია განხორციელდა.
რუსეთის შსს-ში აფეთქების ფაქტს ადასტურებენ და აცხადებენ, რომ შემთხვევის ადგილზე ოპერატიულ-საგამოძიებო ჯგუფი მუშაობს.
