ოკუპირებულ აფხაზეთში რუსეთსა და მის მიერ აღიარებულ ,,აფხაზეთის რესპუბლიკას'' შორის საზღვრის თავისუფლად გადაკვეთის საკითხი იხილება.
„აფსნიპრესი“- ს ინფორმაციით, ეს ინიციატივა დე ფაქტო აფხაზეთის პარლამენტის საერთაშორისო ურთიერთობების კომტეტის წარმომადგენელმა ასტამურ ლოგუამ რუს და აფხაზ პარლამენტართა შეხვედრაზე გააჟღერა.
შეხვედრაზე ეს საკითხი განხილულ იქნა სოციალურ, თავდაცვისა და უსაფრთხოების საკითხებთან კონტექსტში.
რუსეთის დუმის დეპუტატმა კონსტანტინე ზატულინმა შეხვედრაზე აღნიშნა, რომ „რუსეთი დაინტერესებულია იმით, რომ გაფართოვდეს იმ ქვეყნების წრე, რომლებმაც აღიარეს აფხაზეთისა და სამხრეთ ოსეთის დამოუკიდებლობა“.
მისივე თქმით, რუსეთის მიერ აფხაზეთის აღიარების და შესაბამისი ხელშეკრულებების მოწერის შემდეგ, ყველაფერი წავა საზღვარზე ამჟამად არსებული რეჟიმის შემსუბუქებისკენ.
შეხვედრის მონაწილეებმ მხარი დაუჭირეს საერთაშორისო საპარლამენტო მოძრაობის „აფხაზეთის მეგობრები ლიგის“ დაფუძნების იდეას