ოპოზიცია პარლამენტში შს მინისტრსა და მთავარ პროკურორს იბარებს

0
383
ოპოზიცია პარლამენტში შს მინისტრსა და მთავარ პროკურორს იბარებს. „ომეგა ჯგუფის“ საქმე და სკანდალური ჩანაწერები, სადაც ბიძინა ივანიშვილის მმართველობის ძალადობრივი მეთოდები იკვეთება, დღეს პარლამენტში განხილვის მთავარი თემა იქნება.
 
დეპუტატები მთავარი პოლიტიკური განცხადებების გაკეთებას სწორედ სახელმწიფო რეკეტის შესახებ გეგმავენ.
 
„100% დადასტურებული ფაქტია, ბანკიდან გამოიტანეს 4 მილიონი ლარი, ჩადეს ტომარაში, ჩაუდეს მანქანაში ვიღაც ბანდიტებს, არის საბუთი, არის მტკიცებულება ფულის გამოძალვის ფაქტზე აღიძრა სისხლის სამართლის საქმე, ეს არის მაფიოზური ჯგუფის მიერ დატერორება კონკრეტული ბიზნესის. ამ ისტორიას ვერ წაშლის ხელისუფლება, იმიტომ, რომ საბანკო ჩანაწერები შეუძლებელია გაქრეს, ამიტომ დაუყოვნებლივ უნდა გამოცხადდეს პროკურორი და შს მინისტრი, ყველა პირი, რომელიც ჩართულია, მოვიდეს პარლამენტში და კითხვებს პასუხები გასცეს,“ – აცხადებს რომან გოცირიძე.
 
შს მინისტრისგან კითხვებზე პასუხს ელოდება "ევროპული საქართველოც."
 
„როდესაც ვსაუბრობთ სისტემურ კორუფციაზე, რა თქმა უნდა, პარლამენტში პასუხი უნდა გაეცეს იმ შეკითხვებს, რომელიც საზოგადოებას აქვს,“-აცხადებს ირაკლი აბესაძე.
 
გიორგი გახარია, სკანდალური ჩანაწერების ერთ-ერთი ფიგურანტია, რომელიც ზაზა ოქუაშვილის განცხადებით, ბიძინა ივანიშვილთან გამართულ შეხვედრას, ბიზნეს ომბუდსმენის სტატუსით ესწრებოდა.
წინა სტატია„ჩვენ არ გავჩუმდებით. შეუგნებელი ძალის მმართველობა ქვეყანაში ძალიან მალე უნდა მორჩეს”- არასამთავრობო სექტორში გია კობახიძის განცხადებას ეხმაურებიან
შემდეგი სტატიადასასრულის დასაწყისი: მგელი მოდის. ახლა უკვე ნამდვილად. ხელისუფლებაში ერთმანეთს ასწრებენ ისტერიულ განცხადებებს
ტელეკომპანია ოდიშის საინფორმაციო სამსახური