გრიგოლ ვაშაძე: საქართველო არის მაფიოზური კლანის ხელშია. რა უფლებით იჯდა ივანიშვილი ამ საქმის გარჩევაზე, რომელიც პარტიის თავმჯდომარეც კი არ იყო მაშინ?

0
387
გუშინწინ გავიღვიძეთ და აღმოვაჩინეთ, რომ საქართველო არის მაფიოზური კლანის ხელში,“ – ეს განცხადება პრეზიდენტობის კანდიდატმა ოპოზიციური გაერთიანებიდან ძალა ერთობაშია, გრიგოლ ვაშაძემ, არჩევანის ეთერში გააკეთა.
 
გრიგოლ ვაშაძე საქართველოს პარლამენტის თავმჯდომარის განცხადებებს ეხმაურება, რომელმაც ნაციონალური მოძრაობა ღალატში დაადანაშაულა. მისი თქმით, დღევანდელი ხელისუფლების გადაწყვეტილებაა, რომ სულ 9 წელზე ისაუბროს.
 
გრიგოლ ვაშაძის თქმით, ქვეყანაში სისტემური დანაშაულებები ხდება. ვაშაძის თქმით, საგამოძიებო უწყებებმა ომეგა ჯგუფის საქმეზე გავრცელებულ სკანდალურ ჩანაწერებში ფიგურანტი პირები უნდა გამოკითხონ.
 
„ყველა უნდა დაიკითხოს, ივანიშვილიდან დაწყებული და შემდეგ პროკურატურამ უნდა ჩაატაროს, რაც შეიძლება, სწრაფად გამოძიება და სასამართლოში ვიხილოთ ეს საქმე,“ – განაცხადა ვაშაძემ.
 
პრეზიდენტობის კანდიდატის თქმით, თუ ბიზნესმენი ზაზა ოქუაშვილი სახელმწიფოს გადასახადს არ უხდიდა, მაშინ კანონის შესაბამისად უნდა ემოქმედათ და არ უნდა დაებარებინათ „საქმის გასარჩევად“.
 
„რაც მთავარია, ეუბნებიან, შენ თუ გინდა, პრობლემები დაამთავრო, ნუ გადააქცევ შენს ტელევიზიას რუსთავი2-ად, ჩაგვაბარე იბერია და ყველაფერი კარგად იქნებაო. ეს არის სამართლებრივი მხარე. ოქუაშვილი იხდიდა თუ არ იხდიდა გადასახადებს, ეს მისი და კანონის გასარკვევი არის და რა უფლებით იჯდა ივანიშვილი ამ საქმის გარჩევაზე, რომელიც პარტიის თავმჯდომარეც კი არ იყო მაშინ, მაინტერესებს უბრალოდ, „პახანია“? ან რა საქმე ჰქონდა იქ ე.წ. ბიზნესომბუდსმენ გახარიას,“ – განაცხადა გრიგოლ ვაშაძემ.
წინა სტატიაპრეზიდენტობის კანდიდატს სალომე ზურაბიშვილს, “ქართული ოცნების” შემომწირველებმა ათეულობით ათასი ლარი ჩაურიცხეს
შემდეგი სტატია„უტიფარი და არაკომპეტენტური 13 კაცი და ქალი, რომელსაც აქვს თავისი პოლიტიკური მიკერძოებული რაღაც შეხედულებები” – ირაკლი კობახიძე არასამთავრობო სექტორის შესახებ
ტელეკომპანია ოდიშის საინფორმაციო სამსახური