ირაკლი კობახიძის განცხადებას იმის შესახებ, რომ ,, საქართველოს არასამთავრობო სექტორი არის 13 კაცი და ქალი, რომელსაც აქვს თავისი პოლიტიკური მიკერძოებული რაღაც შეხედულებები'',ბ ამ ორგანიზაციების მწვავე კრიტიკა მოყვა
„ცხადია მათი მიზანი არის, რომ ჩვენ გავჩუმდეთ, მაგრამ ჩვენ არ გავჩუმდებით“-აცხადებს”საერთაშორისო გამჭვირვალობა – საქართველოს” აღმასრულებელი დირექტორი ეკა გიგაური და პარლამენტის თავმჯდომარეს ურჩევს საკუთარი გაბრაზება პროკურატურისკენ წარმართოს. .
ადამიანის უფლებების სწავლებისა და მონიტორინგის ცენტრის მართლმსაჯულების და დემოკრატიის პროგრამის დირექტორი სოფო ვერძეული ფიქრობს, რომ ირაკლი კობახიძემ ძალიან კარგად იცის რას აკეთებდა და აკეთებს სამოქალაქო სექტორი. ვერძეული თვლის, რომ ამ განცხადებებით პარლამენტის თავმჯდომარე შეეცადა, რეალურად არსებული პრობლემებიდან ყურადღება სხვა თემაზე გადაეტანა.
ირაკლი კობახიძეს აკრიტიკებს და პარლამენტის სისუსტეზე საუბრობს „ახალგაზრდა იურისტთა ასოციაციის“ თავმჯდომარე სულხან სალაძე.
„ეს არ არის პასუხები იმ კითხვებზე რომელსაც ჩვენ ვსვამ, როგორც ჩანს ქართული ოცნება მმართველობის 6 წლის თავზეც ვერ გაცდა, რომ ყველა და ყველაფერი ამ ქვეყანაში დააბრალოს ნაციონალურ მოძრაობას,“-ამბობს ახალგაზრდა იურისტთა ასოციაციის თავმჯდომარე სულხან სალაძე.
საქართველოს სტრატეგიული ანალიზის ცენტრის (GSAC) დამფუძნებელი ნოდარ ხარშილაძე კობახიძეს "ქართული ოცნების" კომკავშირის მდივანს უწოდებს.
მისი თქმით, „შეუგნებელი ძალის მმართველობა ქვეყანაში ძალიან მალე უნდა მორჩეს''