2019 წლის ბიუჯეტის პროექტის მიხედვით, საქართველოს პარლამენტის დაფინანსება 2.6 მილიონი ლარით იზრდება და 64.736 მილიონი ლარით განისაზღვრა. ამის შესახებ 1tv-ი წერს.
ცვლილება სახელფასო ხარჯის გაზრდას უკავშირდება. კერძოდ, სახელფასო ხარჯი 2019 წელს 31.224 მილიონ ლარამდე იზრდება.
ამასთან, ბიუჯეტის პროექტით არ არის გათვალისწინებული მომუშავეთა რიცხოვნობის ცვლილება.
2019 წლის სახელმწიფო ბიუჯეტი 12 729 700 000 ლარით არის განსაზღვრული. ეს ქვეყნის მთავარი ფინანსური დოკუმენტის პირველადი ვარიანტია, რომელიც მთავრობიდან პარლამენტში უკვე შევიდა.