ინდონეზიაში დანგრეული ეკლესიის ნანგრევებში 34 ბავშვის ცხედარი იპოვეს

0
379
ინდონეზიაში, ქალაქ პალუში მიწისძვრისა და ცუნამის გამო დანგრეული ეკლესიის ნანგრევებში 34 ბავშვის ცხედარი იპოვეს. ამის შესახებ Independent-ი წერს. 
 
ცნობილია, რომ ისინი რელიგიურ საგანმანათლებლო ბანაკს სტუმრობდნენ. ცუნამისა და მიწისძვრისას მათ ეკლესიას შეაფარეს თავი, თუმცა შენობა დაინგრა და ისინი ქვეშ მოიყოლა. 
 
 
ბოლო მონაცემებით, ინდონეზიაში მიწისძვრის და ცუნამის შედეგად დაღუპულთა რაოდენობა 1200-მდე გაიზარდა. საცხოვრებელი 17 000-მდე ადამიანმა დატოვა, ორი მილიონ 400 000 მოქალაქეს კი ჰუმანიტარული დახმარება ესაჭიროება. 
 
ინდონეზიის ხელისუფლებამ საერთაშორისო დახმარება ითხოვა. ევროკავშირმა ინდონეზიას უკვე გამოუყო 1,5 მილიონი ევრო, რომელიც სურსათის, მედიკამენტებისა და კარვებისთვის დაიხარჯება. დახმარების მზადყოფნა გამოთქვა აშშ-მაც.
 
28 სექტემბერს კუნძულ სულავესის სანაპიროზე 6.1 მაგნიტუდის სიმძლავრის მიწისძვრა მოხდა. მოგვიანებით მიწისძვრა განმეორდა და ამჯერად მისი სიმძლავრე 7.4 მაგნიტუდა იყო, რასაც ცუნამი მოჰყვა.
წინა სტატიამიხეილ სააკაშვილს, როგორც რეფორმატორული მოძრაობისა და დემოკრატიის ვარსკვლავს, ELSA Tilburg-ი ,,ღამის საუბრებზე” იწვევს
შემდეგი სტატიაგია ხუხაშვილი ურჩხულზე, რომელიც ,,ქართულმა ოცნებამ” თავის წიაღში გაზარდა
ტელეკომპანია ოდიშის საინფორმაციო სამსახური