გორის რამდენიმე სოფელს დღეს რუსულმა ვერტმფრენებმა გადაუფრინა. ისინი სავარაუდოდ, ცხინვალიდან ახალგორის მიმართულებით მიფრინავდნენ.
რუსული ვერტმფრენების საოკუპაციო ხაზთან ფრენის ფაქტთან დაკავშირებით ქართულმა მხარემ ევროკავშირის სადამკვირვებლო მისიის ინფორმირება უკვე მოახდინა.
„აღნიშნულთან დაკავშირებით გააქტიურებულია ცხელი ხაზი და ინფორმირებულია ევროკავშირის სადამკვირვებლო მისია. მსგავსი ფაქტები ზიანს აყენებს ადგილზე არსებულ უსაფრთხოების გარემოს“ – აცხადებენ სახელმწიფო უსაფრთხოების სამსახურში.