Straits Times -ის ცნობით ინდონეზიაში ძლიერი მიწისძვრისა და ცუნამის შედეგად 1200-ზე მეტი ადამიანი დაიღუპა .
თითქმის 17 ათასმა ადამიანმადატოვა საკუთარი საცხოვრებელი სახლი , ხოლო დაახლოებით 2,4 მილიონს კი ჰუმანიტარული დახმარება დასჭირდა.
ინდონეზიას მხარდაჭერა მრავალმა ქვეყანამ გამოუცხადა. სამხრეთ კორეამ ჰუმანიტარული დახმარების მიზნით 1 მილიონი აშშ დოლარი გადაუგზავნა, ევროკომისიამ კი 1,5 მილიონი ევრო გამოუყო. თავის მხრივ, საფრანგეთმა, თურქეთმა და აშშ-მ სტიქიური უბედურების შედეგების ლიკვიდაციაში მონაწილეობისთვის მზადყოფნა გამოთქვეს.
პარასკევ დილით სულავესის სანაპიროზე 6,1 მაგნიტუდის მიწისძვრა მოხდა. მოგვიანებით დაფიქსირდა 7,4 მაგნიტუდის მიწისძვრა და აფტერშოკების რიგი. მიწისძვრამ ორმეტრიანი ცუნამი წარმოშვა.