ბიძინა ივანიშვილი ხორავას ქუჩაზე მომხდარ სისხლიან გარჩევას ეხმაურება
მისი თქმით, უსაფუძვლოა სისხლიანი გარჩევის მმართველი ძალისთვის გადაბრალება.ოპოზიცია ცდილობს „ბავშვების ჩხუბი“ გირგვლიანის მკვლელობას გაუთანაბროს.
„გახსოვთ გირგვლიანის და სხვა უდანაშაულო ახალგაზრდების მკვლელობები, ამასთან უნდათ, იდენტური გახადონ ის დრამატული უბედურება, რაც სკოლაში განვითარდა. საზოგადოებისთვის იყო ძალიან დიდი ტრავმა და დიდი სტრესი და ცდილობენ, ამასაც იმის ჩამდენი ხალხი, რასაც თვითონ აკეთებდნენ, ბავშვების ჩხუბი უნდათ, რომ მიაბრალონ დღევანდელ მმართველ ძალასა და იდენტური გახადონ გირგვლიანის მკვლელობის,“ – განაცხადა ივანიშვილმა.
ივანიშვილმა ასევე უარყო, რომ თითქოს ქვეყანაში მედიასა და ბიზნესზე ზეწოლა ხორციელდება.
„რაც შეეხება მედიაზე ზეწოლას და ბიზნესზე ზეწოლას, ეს ღიმილს იწვევს,“ – განაცხადა ივანიშვილმა.