ენერგო ბაზარზე მოსკოვის პოზიციების შესასუსტებლად ვაშინგტონში რუსეთის საზღვაო ბლოკადას არ გამორიცხავენ. ამერიკული მედიის ინფორმაციით, განცხადება შეერთებული შტატების შინაგან საქმეთა მდივანმა პიტსბურგში ენერგო ფორუმზე სიტყვით გამოსვლის დროს გააკეთა. რაიან ზინკეს განცხადებით, ახლო-აღმოსავლეთსა და ევროპის ბაზარზე რუსეთის ენერგო მატარებლების მოხვედრის აღსაკვეთად შეერთებულ შტატებს საზღვაო ძალების გამოყენებით საზღვაო გზების ბლოკირება შეუძლია.
"მოსკოვი ახლო-აღმოსავლეთის რეგიონში იმ მიზნით გააქტიურდა, რომ იქ ნავთობისა და გაზის გაყიდვა სურს," – განაცხადა მინისტრმა და ისიც დაამატა, რომ საზღვაო ბლოკადა რუსეთის ეკონომიკას დაანგრევს.