თბილისის მერი კახა კალაძე “ნეტგაზეთში” გამოქვეყენებული სტატიის – “ადმინისტრაციული რესურსის შესაძლო გამოყენება ზურაბიშვილის მხარდასაჭერად” საპასუხოდ მიმართვას აქვეყნებს და ამბობს, რომ უსაქმურობა ასაკრძალია”
“შესაძლოა მე გამოვიყენე ადმინისტრაციულ რესურსად კობახიძე, კობახიძემ გამოიყენა ადმინისტრაციულ რესურსად კალაძე და ეს ყველაფერი ზურაბიშვილის აგიტაციის ფარგლებში… უსაქმურობა კანონოთ უნდა იკრძალებოდეს,” – აღნიშნავს კალაძე.
ძალიან ძნელია თვალი მიადევნო კახი კალაძის ლოგიკას და ბოლომდე ჩაწვდე , რისი თქმა სურდა მას, მაგრამ ის რაც პირდაპირი ტექსტით თქვა – ,,უსაქმურობა კანონით უნდა იკრძალებოდეს'' შეიცავს საფრთხეს, რომ ქვეყანაში, სადაც უმუშევრობის კატასტროფულად მაღალი დონეა, ამ იდეის კანონის სახით ჩამოყალიბება, შიმშილსა და უქონლობას ვინ ჩივის, დაუსაქმებელ მოსახლეობას უარესი დაემუქრება.
აი, ასე: დაპირებული სამუშაო ადგილების შექმნის ნაცვლად მმართველი გუნდი ახლა უკვე უმუშევრობისთვის დასჯას გვპირდება. გამოსავალი ერთია – არ ვიწუწუნოთ და დავჯერდეთ იმ ბედნიერებას , რასაც დაუსჯელი უმუშევრობა ქვია.